Joshua 6:5 - Hawaii Pidgin Bible

⁵ Wen you hear dem blow da sheep horn trumpets one long time, tell all da army guys fo yell real loud. Den da walls fo da town goin fall down, an all da Israel peopo goin go strait inside ova da wall.”

Joshua 6:5 Iomraidhean Croise

Outa Egypt 19:19

Da sheep horn trumpet noise dey hear stay come mo strong erytime. Erytime Moses tell someting, God talk back to Moses, an soun jalike thunda.

Isaiah 25:12

God goin broke down da strong wall Fo da place wea da Moab peopo like go hide. He goin make da wall fall down to da groun, On top da dirt.”

Isaiah 30:25

But befo dat happen, Plenny peopo goin mahke, An da high towas goin fall down! Laytas goin get plenny watta fall down From da high mountains an hills. An fill da stream an da watta ditch.

Jeremiah 50:15

Yell from ery side wen you start fo fight! Da Babylon guys goin give up! Da mos strong part a dea wall goin fall down! Da res a da wall goin come all bus up! Dass how Da One In Charge goin pay um back, So you army guys, pay um back good! Make to dem jalike dey wen make to da odda peopo!

Hebrews 11:30

Da Israel peopo wen trus God. Dass why dey make parade fo seven days outside da big wall dat go aroun Jericho town. An den da whole wall fall down.

Joshua 6:16

Da numba seven time, wen da pries guys blow da trumpets mo loud, Joshua tell da peopo, “Yell! Cuz Da One In Charge wen give you guys dis town!

Joshua 6:20

Den da pries guys blow da trumpets an da peopo yell. Wen get da loud noise from da trumpets an da peopo, da walls fall down! Den ery Israel army guy go strait inside, an dey take ova da town.

Joshua 6:4

Go get seven pries guys fo go in front da Box Fo No Foget Da Deal Me, Da One In Charge Wen Make. Dey goin carry seven sheep horn trumpet. Day numba seven, dey goin march aroun da town seven time. All da time dey goin blow da trumpets.

Joshua 6:6

So Joshua, Nun boy, he tell da pries guys come by him. He tell um, “Pick up da Box Fo No Foget Da Deal Da One In Charge Wen Make. An tell seven pries guys fo take sheep horn trumpets an go in front da Box.”

Local Leadas 20:37

Da guys dat stay hide go real fas inside Gibeah town, spread out, an kill erybody inside da town wit dea swords.

1 Samuel 17:20

Early morning time, David wen leave his sheeps wit anodda guy fo take kea a dem. He load up his stuffs, an start fo go jalike his faddah Jesse wen tell um fo do. Wen he come jus outside da camp, da army guys stay go out to da place wea dey goin line up fo fight. Dey stay yell fo fight.

1 Samuel 17:52

Den da Israel an Judah guys yell fo fight an start fo chase afta da Filisha guys all da way to Gat an to da Ekron town gates. Get mahke Filisha guys dat fall down all ova da Shaarayim road, till you come to Gat an Ekron.

1 Samuel 4:5

Wen Da Box come inside da camp, all da Israel guys cheer real loud, an dey yell so loud dat dey make da groun shake.