Joshua 6:4 - Hawaii Pidgin Bible

⁴ Go get seven pries guys fo go in front da Box Fo No Foget Da Deal Me, Da One In Charge Wen Make. Dey goin carry seven sheep horn trumpet. Day numba seven, dey goin march aroun da town seven time. All da time dey goin blow da trumpets.

Joshua 6:4 Iomraidhean Croise

Start 2:3

God tell, “Day numba seven, dass da bestes day!” He make dat day da spesho day fo him. Cuz dat was da day wen he pau make eryting so no need do moa. Dat day he res.

1 Kings 18:43

Elijah tell da guy dat work fo him, “Go ova dea an look makai side.” Da guy go an look. He tell, “No mo notting ova dea.” Seven time, Elijah tell um, “Go back look!”

2 Kings 5:10

Elisha sen one messenja guy outside fo tell: “Go wash yoa body seven time inside da Jordan Riva. Den yoa body goin come good jalike befo time, an come clean.”

2 Kings 5:14

So Naaman go down inside da Jordan Riva seven time, jalike Elisha, da guy dat stay tight wit God, wen tell him fo do. Den Naaman body come good, jalike one young boy body, an no mo da sick.

2 Records 13:12

So den, God stay wit us guys. He oua leada. His pries guys wit dea metal trumpets goin make da signal fo start fo fight you guys. Eh, you Israel guys, no go fight Da One In Charge, da God fo yoa ancesta guys, cuz no way you guys goin win!”

2 Records 20:17

But az not yoa kuleana, fight dis war! Line up, stan strong, an watch how Da One In Charge goin get you guys outa trouble. You Judah an Jerusalem guys, no sked, an no lose fight! Go out fo face dem tomorra, cuz Da One In Charge goin stay wit you guys.’ ”

2 Records 20:19

Den some Levi guys from da Kohat an Korah ohanas stan up fo tell wit one strong voice dat Da One In Charge, da God fo da Israel peopo, he da greates.

2 Records 20:21

Afta Jehoshafat tell da peopo wat fo do, he put singa guys fo go in front da guys dat stay ready fo make war. Da singa guys sing fo Da One In Charge. Dey tell good tings bout him cuz he good an spesho, an az why he awesome. Dey sing lidis: “Tell Da One In Charge ‘Mahalo!’ Cuz he stay tight wit his peopo foeva!”

Job 42:8

So now, you guys gotta take seven young bulls an seven rams, an go by my worka guy Job. Den make one burn up kine sacrifice fo you guys ova dea. My worka guy Job goin pray fo you guys, an I goin lissen wat he pray. Den I no goin give you guys one hard time fo da stupid kine stuff you guys wen do agains me. You guys neva tell wat stay shua bout me, da way my worka guy Job tell um.”

Isaiah 27:13

Dat time, one big sheep horn trumpet goin blow. Da Israel peopo dat stay go all ova da place inside Assyria An da ones dey wen make go Egypt side, Dey all goin go God spesho hill inside Jerusalem town, An go down in front Da One In Charge Fo show love an respeck fo him ova dea.

Prieses 14:16

dip his right forefinga inside da oil inside his lef palm, an wit his finga, sprinkle some in front me, Da One In Charge, seven time.

Prieses 4:6

Da pries guy goin put his finga inside da blood, an sprinkle um seven time in front me, Da One In Charge, in front da thick curtain fo da place dat stay spesho fo me.

Zekariah 4:2

He aks me, “Wat you see dis time?” I tell um, “I see one lamp stan, da kine dey make from gold. Get one bowl on da top, an on top da edge a da bowl, get seven olive oil lamps. Get seven places fo da wicks a da seven lamps.

Zekariah 4:6

Az why he tell me, “Dis wat Da One In Charge, Da God Ova All Da Armies, tell Zerubbabel da pries guy: Wat you goin do, you no can do um jus cuz you strong, o get plenny powa! Da ony way you can do um, is cuz my Spirit give you da powa!

Census 23:1

Balaam tell, “Build seven altars hea, an make ready seven bulls an seven boy kine sheeps fo me.”

Joshua 6:13

Da seven pries guys take da seven trumpets an go in front da Box Fo No Foget Da Deal Wit Da One In Charge. Dey blow da trumpets. Da army guys go in front dem, an odda army guys come afta dem. Da pries guys still yet stay blow da trumpets.

Joshua 6:3

You an yoa army guys, go march aroun da town one time. Do dat fo six days.

Joshua 6:5

Wen you hear dem blow da sheep horn trumpets one long time, tell all da army guys fo yell real loud. Den da walls fo da town goin fall down, an all da Israel peopo goin go strait inside ova da wall.”

Jesus Show 1:20

Da seven stars you see inside my right hand, an da seven gold stans fo put da lamps on top, dass one secret dat I goin tell you now. Da seven stars, dey da seven messenja guys fo da seven churches. An da seven gold stans fo put da lamps on top, dey da peopo inside da seven churches.”

Jesus Show 1:4

Dis letta from me, John. I stay write um to you church peopo dat come togedda inside seven churches inside West Asia. I like God do plenny good tings fo you guys, an make you guys so notting bodda you. Az da One dat stay now, an stay from befo time, an goin stay foeva! An da seven spirits in front God throne, I like dem do good tings fo you guys too.

Jesus Show 10:3

He make big noise, jalike one lion. Afta dat, da thunda make big noise too, seven time.

Jesus Show 15:1

Den I see anodda big an awesome ting inside da sky, jalike one dream. God sen seven angel messenja guys. All dem get diffren ways fo make da peopo suffa. Az how God show dat he tell “Laytas” to da bad kine stuff da peopo do. Afta da peopo suffa seven diffren ways, den God no make um suffa no moa.

Jesus Show 15:7

Den one a da four tings dat stay alive an go ery place God go come ova dea. He give gold kine bowl to da seven angel guys. Da seven bowl stay full a wine. Dat show God real huhu, an show dat God tell “Laytas” to da bad kine stuff da peopo stay do. God, him da one stay live foeva an eva!

Jesus Show 16:1

Den jalike one dream, I hear one loud voice from da Real Real Spesho Place dat tell da seven angel messenja guys, “Dis da seven bowl dat show dat God stay huhu, an tell ‘Laytas’ to da bad kine stuff da peopo inside da world stay do. Take um, an go pour da stuff inside um on top da earth.”

Jesus Show 5:1

Den, jalike one dream, I see da One dat stay sit on top da throne, dass God. He get jalike one roll up paypa in his right hand dat get writing on top two side, front side an back side. Befo time dey roll um up an close um wit seven wax kine seal on top.

Jesus Show 5:6

Den, jalike one dream, I look, an I see da Bebe Sheep Guy. Look jalike somebody kill him awready. He stan on top da throne, in da middo. All aroun him get da four tings dat stay alive an go ery place God go, an da older leada guys. He get seven horn an seven eye. Da horns an da eyes, dass da seven spirits from God dat he sen all ova da world.

Jesus Show 8:2

Den I see da seven angel guys dat stan in front God all da time, an he give um seven trumpet.

Jesus Show 8:6

Den da seven angel guys dat get seven trumpet get ready fo blow um.