Joshua 6:17 - Hawaii Pidgin Bible

¹⁷ Da town an eryting inside um, come kapu fo erybody. Da town ony fo Da One In Charge, fo come jalike one sacrifice! Ony Rahab, da hoa, an her ohana, no kill dem! Cuz she da one wen hide da guys us wen sen dea fo scope out da land.

Joshua 6:17 Iomraidhean Croise

Start 12:3

Da peopo dat tell, ‘Eh Abram, I like God fo do good tings fo you!’ Bumbye me, God, goin do good tings fo dem. Da peopo dat tell, ‘Eh Abram, I like God fo do bad tings to you!’ Bumbye I goin make bad tings happen to dem. All da ohanas all ova da world, Bumbye wen dey tink bout you, dey goin tell, ‘Eh! We like God do good tings fo us guys, Jalike he stay do fo Abram!’ ”

Ezra 10:8

Dey tell erybody, “Day afta tomorra, anybody dat no show up hea, da govmen guys an da older leadas goin take away dea land an eryting dey own, an cut dem off from da peopo dat come back from Babylon.”

Isaiah 34:6

Da One In Charge, his sword get plenny blood on top! Get fat all ova um From da bebe sheeps an goats fo make sacrifice, Fat from da boy kine sheep kidney Dat he use fo make sacrifice. He goin kill plenny peopo inside da Edom land, Jalike goin get one sacrifice fo Da One In Charge Inside Bozrah, da Edom town.

Jeremiah 46:10

But Da One In Charge a me stay in charge a dat day too! He da God Ova All Da Armies! Dass wen he goin pay back Da peopo dat stay agains him. His sword goin kill peopo Till dey all mahke die dead. Cuz Da One In Charge a me, Da God Ova All Da Armies, Goin make sacrifice In da north country by da Eufrates Riva!

Ezekiel 39:17

“An you, Fo Real Kine Guy: Dis da message from me Da One In Charge, da Boss: Go call all da birds an wild animals an tell um: ‘Go come togedda from all ova da place fo da big sacrifice dat I goin make fo you guys on top da Israel mountains. Ova dea you goin eat meat an drink blood!

Prieses 27:21

An wen time fo da land go back to da owna dat spesho Year Fo Give Back numba fifty, from dat time da field goin be fo me, Da One In Charge. Den nobody can buy um, eva. Da pries guys goin own um.

Micah 4:13

Da One In Charge tell: “You guys my Jerusalem peopo, Get up an go drag da heavy board wit plenny spike Fo clean da junks from my peopo, Jalike dey wheat fo clean! Cuz I goin make you guys strong Jalike one bull dat get iron horns an bronze feets. You goin bus up plenny peopos! You goin give all dea rich kine stuffs to Da One In Charge, Jalike da stuffs az one sacrifice fo him. Da stuff dey get wen dey bus up odda peopos, Goin be fo Da One In Charge, Da Boss fo all da peopos inside da world!”

Matthew 25:40

“Me, da King, I goin tell, ‘Dass it! I tell you guys fo shua, wateva you guys wen do fo one a my braddahs, no matta peopo tink da guy not importan, was me you guys do um fo.’

1 Corint 16:22

Anybody dat no mo love an aloha fo Da One In Charge, dey goin get punish fo shua! “Marana Tha!” You know wat dat mean? “Eh, Boss! Come back!”

1 Corint 2:7

Us guys, we teach ony da kine stuff dat come strait from God bout how fo know wat fo do erytime. Cuz God hide um from da peopo befo time, but from da start he figga he goin let us guys know um, fo bumbye us come awesome to da max.

Galatia 3:10

Whoeva try fo do eryting da Rules tell um fo do fo get um right wit God, dey get one kahuna on top dem. Cuz da Bible tell, “Erybody dat no stay do eryting da Rules From God tell us fo do, dey get one kahuna on top dem.”

Galatia 3:12

You know, if you ony do wat da Rules tell you fo do, dat no mean you stay trus God. God tell inside da Bible, “Whoeva do eryting da Rules tell dey gotta do, dey goin live fo real kine cuz dey stay do um.” But us guys, we no mo da powa fo do eryting da Rules tell us fo do.

Rules Secon Time 20:17

You guys gotta wipe um all out, jalike you make one big sacrifice fo Da One In Charge—da Het peopo, da Amor peopo, da Canaan peopo, da Periz peopo, da Hiv peopo, an da Jebus peopo, jalike yoa God, Da One In Charge, wen tell you guys fo do.

Hebrews 11:31

An had Rahab, one hoa. She wen trus God. Dass why she get aloha fo take in da Israel guys fo hide um, da ones was spying her land. Az why wen God wipe out da Jericho peopo dat no like lissen him, he no wipe her out.

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.

James 2:25

Same ting wit Rahab, da wahine from befo time dat fool aroun fo money. Wen she let da Israel army guys hide inside her house, she tell dem fo go back one diffren way so dey no get kill. Dass was da right ting fo her do. Az why God tell she get um right wit him.

Joshua 2:1

Da Canaan peopo neva know, but Joshua, Nun boy, sen two guys from Koa Tree Town fo scope out da land, fo find out how stay. He tell um, “Go find out how da land stay, da odda side Jordan. Scope um out. Jericho da main town us guys need fo know bout.” So dey go ova dea. Dey go by one hoa. Her name, Rahab. Dey stay dea.

Joshua 2:22

Da two Israel guys, dey go up da hills an stay dea three days. Da Jericho guys dat wen go chase dem look all ova da road, an no find dem, so dey go back.

Joshua 7:1

But da Israel peopo no do wat God tell um fo do fo no touch da kapu stuff. Akan, Zimri boy an Zerah grankid, from da Judah ohana, rip off some a da kapu tings. Az why God come huhu wit da Israel peopo.

1 Samuel 15:3

Now go! Go afta da Amalek peopo, an wipe um out an eryting dey get, make um all one sacrifice fo me. No let um go! Kill da guys, da wahines, da kids, da bebes, da cows, da sheeps an goats, da camels, an da donkeys!’ ”

1 Samuel 15:6

Den Saul sen message to da Ken peopo, “Go way from da Amalek peopo fo me no wipe out you guys wit dem. Cuz you guys wen help all da Israel peopo wen dey stay come outa Egypt.” So da Ken peopo go way from da Amalek peopo.