Joshua 5:14 - Hawaii Pidgin Bible

¹⁴ Da guy tell, “I not fo you guys o fo da guys dat stay agains you. But I stay in charge a da army guys fo Da One In Charge. Dass why I stay come hea.” Den Joshua go down quick fo put his face on top da groun, fo show he get awesome respeck fo da guy. Joshua aks um, “Wat my Boss like tell me, his worka guy?”

Joshua 5:14 Iomraidhean Croise

Start 17:17

Den Abraham go down an put his face on top da groun fo show respeck to God. But he laugh same time, cuz inside, he stay tink, “No way! How can?! Me, one hundred year ol, an Sarah, ninety year ol. How us can get kids?!”

Start 17:3

Right den an dea Abram go down an put his face on top da groun fo show respeck fo God. God talk to him lidis:

2 Samuel 7:19

You da One In Charge a me! All dis, fo shua not one big deal da way you see um! Cuz you even stay talk bout wat goin happen to my ohana long time afta now. I yoa worka guy, an you da One In Charge a me! Dis how you make to odda peopo erytime, o wat?!

2 Samuel 7:20

Me, David, wat mo I can tell you?! Cuz you know me, yoa worka guy, an you Da One In Charge! You da Boss fo me!

Songs 110:1

Dis wat Da One In Charge Tell my boss, da king: “Sit down hea, my right side, Da place dat show I get plenny respeck fo you. Wait till I bring Da peopo dat stay agains you Fo you put yoa foot on top dem Fo show dat you da winna ova dem.”

Songs 24:10

Da prieses tell: “Dat awesome King, who him?” Da peopo tell: “Az Da One In Charge, Da God Ova All Da Armies, Him, he da awesome King!” (Time out fo da music.)

Outa Egypt 4:10

Moses tell Da One In Charge, “Eh! Da One In Charge, try help me! I not da kine guy fo know how fo talk real good. From small kid time till now, you stay tell stuff to me, yoa worka guy. But still yet, fo me, az hard fo talk, an I no can talk real good. You know wat I mean?”

Outa Egypt 4:13

But Moses tell, “Try help me, you Da One In Charge! Sen somebody you like fo do da work, but no sen me!”

Isaiah 55:4

Look! Da one I wen make da promise bout, I let him tell all da diffren peopos wat I stay do, An be dea leada guy, an give dem my Rules.

Isaiah 6:8

Den I hear my Boss tell, “Who I can sen? Who goin go fo us?” An I tell, “Me, I can go, Sen me.”

Ezekiel 3:23

So I get up an go ova dea. An ho! I wen spock Da One In Charge stay standing dea! An he stay awesome! Az how I wen see um by da Kebar Canal. An I wen go down, an put my face on top da groun.

Daniel 10:13

But da bad spirit dat stay in charge a da Persia land, he no let me come hea fo twenny-one days. Den Michael, one a da main angel guys, come fo help me cuz I stay stuck ova dea by da Persia king guys.

Daniel 10:21

But still yet, I goin tell you wat stay write inside da Book Dat Tell Da Trut. (Gabriel tell: No mo nobody help me agains dose bad spirits dat stay in charge a da odda countries. Ony Michael, da main angel guy fo you Israel guys, he help me.”

Daniel 12:1

Da angel messenja guy tell me dis: “Dat time, Michael, da importan angel prince, da one dat take kea yoa peopo, he goin go by you guys fo take kea you. Goin get one time yoa peopo all presha out, mo den da time yoa peopo wen come one nation firs time, till dat time. But dass da time wen yoa peopo, da ones dat get dea name inside God book, goin get outa trouble.

Daniel 8:11

Da horn make jalike he come big fo come same jalike da leada fo da army inside da sky. He no let da pries guys make da ery day kine sacrifices. He make da Temple dat stay spesho fo God come pilau.

Prieses 9:24

Den fire come out from in front Da One In Charge, an burn up all da burn up kine sacrifice an da fat parts a da odda sacrifices dat stay on top da altar. Wen da peopo see dat, dey yell cuz dey stay feel good inside. Den dey go down an put dea face on top da groun fo show respeck fo Da One In Charge.

Census 16:22

But Moses an Aaron go down an put dea face on top da groun, an yell, “God, you da God fo da spirits a all da peopo on top da earth! Try no come huhu wit all da peopo wen ony one guy wen do one bad ting!”

Census 16:45

“Go way from all dese peopo, fo me wipe dem all out right now!” But Moses an Aaron go down an put dea face on top da groun.

Census 22:31

Den Da One In Charge open Balaam eye, an he see da angel guy from Da One In Charge standing on top da road, wit his sword ready fo use inside his hand. An Balaam go down all da way, an put his face on top da groun.

Matthew 22:44

“ ‘Da One In Charge, He tell my Boss, “Go come ova hea, sit down! Dis da importan place by my right side. Bumbye I goin make da peopo dat go agains you Go down ova dea in front you, Fo show dat you da winna ova dem.” ’

Matthew 8:2

Had one lepa guy go by him an go down in front him. He tell, “Boss, if you like, try make me come good, aah? jalike da way God like.”

Luke 1:43

But why dis good ting happen to me, dat you come by me, an you goin be da muddah fo Da One In Charge a me?!

Luke 20:42

Cuz David, he tell dis inside da Songs Fo God Book: “ ‘Da One In Charge Up Dea Inside Da Sky, He tell Da One In Charge a me, “Go come ova hea, sit down! Dis da importan place by my right side.

Luke 5:12

Wen Jesus stay inside one a da towns, one lepa guy come by him. Da guy get da kine sores all ova. Wen he spock Jesus, he go down an put his face on top da groun, an he beg Jesus, “Boss, if you like, you can make me come good, aah?”

John 20:28

Thomas tell Jesus, “You, you Da One In Charge a me! You my God!”

Jesus Guys 9:6

Now stan up an go inside da town, an somebody goin tell you wat you gotta do.”

Philippi 3:8

But you know wat? I tink eryting ony wase time. Cuz now, I know fo real kine Da One In Charge a me, Jesus Christ! An dass mo betta! I wen lose eryting cuz I his guy, you know. An I figga, all dat kine stuff I jus wen talk bout, ony bullshit! Cuz I like come real tight wit Christ.

Hebrews 2:10

Eryting dat get in dis world stay fo God, an come from God. Az why was good dat God wen make Jesus come da bestes kine leada cuz he wen suffa plenny. An dat make plenny peopo no gotta get punish fo da bad kine stuff dey wen do. God do all dis fo make dose peopo come awesome cuz dey God kids now.

Joshua 20:1

Den Da One In Charge tell Joshua:

Jesus Show 12:7

Den get war inside da sky. Michael an his angel messenja guys fight da Dragon, an da Dragon an his bad angel messenja guys fight back wit dem.