Joshua 5:13 - Hawaii Pidgin Bible

¹³ One time wen Joshua stay nea Jericho town, he look up an see one guy stay standing in front him. Da guy get one sword inside his hand. Joshua go by him an tell, “Eh! You stay wit us guys, o wit da guys dat stay agains us?”

Joshua 5:13 Iomraidhean Croise

Start 18:1

Anodda time, Abraham stay by da big trees, Mamre place. Abraham God, Da One In Charge, let Abraham see um one mo time. Dis wat wen happen: Noon time, Abraham stay sit inside da tent door.

Start 18:2

Abraham look outside. Right den an dea, he see three guys stay standing nea da tent. Wen he see um, he run outside from da tent fo tell um “Aloha!” Den he go down an he go put his face on top da groun in front dem fo show dem respeck.

Start 28:16

Den Jacob wake up. He tell, “Fo real, Da One In Charge stay dis place! An me, I neva know!”

Start 33:1

Jacob look, an ova dea, he see Esau stay coming—an four hundred odda guys wit him! So Jacob tell Leah an Rachel an his two odda wifes fo all dem take dea kids wit dem.

Start 33:5

Den Esau look aroun, an he see da wahines an da kids stay coming. He tell um, “Dis peopo dat wit you, who dem?” Jacob tell um, “God do plenny good stuff fo me, yoa slave. Dey da kids dat God wen give me.”

1 Records 12:22

Ery day mo guys come fo help David, till he get one big awesome army.

1 Records 21:27

Den Da One In Charge tell da angel guy put back his sword inside da bag.

1 Records 21:30

But David no can go Gibeon side in front dat altar, fo find out from God wat fo do, cuz he real sked a da sword dat da angel from Da One In Charge carry.

Outa Egypt 23:23

Cuz my angel guy, he goin go in front an bring you da place wea da Amor peopo, da Het peopo, da Periz peopo, da Canaan peopo, da Hiv peopo, an da Jebus peopo live. Wen you get dea, I goin wipe out dose peopos.

Daniel 10:5

I look up, an ova dea in front me get one guy wit linen kine clotheses. He get one fancy gold belt aroun his wais.

Daniel 8:3

I look up, an dea in front me get one ram wit two horn. He stay stan by da side a da canal. His two horn, real long. One a da horns grow mo long den da odda, but da mo long one start fo grow afta da odda one start fo grow.

Zekariah 1:8

Dis how was: Nite time, I see someting jalike one dream. I see in front me one angel on top one red horse. He stay stan inside one low place wea get some myrtle trees. In back a him stay odda angel guys on top red, brown, an white horses.

Census 22:23

Wen da donkey see da angel messenja guy standing on top da road wit one sword ready fo use inside his hand, da donkey turn off da road an go inside one field. Balaam wack um fo make um go back on top da road.

Census 22:31

Den Da One In Charge open Balaam eye, an he see da angel guy from Da One In Charge standing on top da road, wit his sword ready fo use inside his hand. An Balaam go down all da way, an put his face on top da groun.

Jesus Guys 1:10

Dey still stay look in da sky real good wen he stay go. Right den an dea two guys wit white clotheses stan by dem.

Joshua 6:2

Den Da One In Charge tell Joshua, “Try look! I stay give you Jericho town, an dea king, an dea army guys.

Jesus Show 1:13

An in da middo, had somebody dat look jalike us. He get one long robe dat hang down to his feet, an one gold cloth ova his shoulda an across his ches.

Local Leadas 13:11

Manoah get up an go wit his wife. Wen he come by da guy, he aks him, “You da guy dat wen talk wit my wife?” Da guy tell, “Az me.”

Local Leadas 13:22

Den he tell his wife, “Us goin mahke fo shua! Cuz we wen see God!”