Joshua 4:24 - Hawaii Pidgin Bible

²⁴ He do dis fo all da peopos on top da earth know dat Da One In Charge get plenny powa! An he do um fo you guys stay sked a Da One In Charge an get respeck fo him all da time!”

Joshua 4:24 Iomraidhean Croise

1 Kings 8:40

So do wateva you gotta do, Fo make dem feel jalike dey sked Weneva dey come in front you. Do dis fo dem, An fo all da ones dat goin come from dem. Do um fo all da time dey goin stay inside dis land Dat you wen give to oua ancesta guys!

1 Kings 8:60

Cuz a dat, all da diffren peopos all ova da world Goin know dat Da One In Charge, he da God dass fo real, An no mo anodda god jalike him.

2 Kings 19:19

Da One In Charge, you da God fo us guys! Help get us outa Sennakerib powa! Den all da kings in da world goin know fo shua dat you Da One In Charge, az da ony God dass fo real!”

2 Kings 5:15

Den Naaman an all his army guys go back by Elisha, da guy dat stay tight wit God. He stan in front Elisha, an tell, “Fo shua, now I know, dat no mo anodda God inside da whole world dat stay fo real kine! Ony get da one inside Israel. So boss, try let me do someting good fo you.”

1 Records 29:12

You can give peopo rich kine stuffs, An make odda peopo respeck um. You da One stay in charge a eryting. You get da powa fo make peopo strong an give dem powa. You get da powa Fo make anybody importan an strong.

Job 40:9

You tink you strong jalike me, God, o wat? You tink you can talk strong jalike me an make thunda?

Songs 106:8

Still yet, God wen get his peopo Outa trouble, Fo erybody know wat kine god him, An how strong he stay.

Songs 89:13

You get plenny powa fo fight. Strong, yoa right arm, Da way you use um.

Songs 89:7

Eh God, wen da ones dat stay spesho Fo you come togedda, You so awesome, dat dey all come sked! You mo skery den all da ones Dat stay aroun you!

Outa Egypt 14:31

Wen da Israel peopo see how Da One In Charge use his awesome kine powa fo wipe out da Egypt guys, da peopo come sked an get awesome respeck fo Da One In Charge. Cuz a dat, dey stay trus Da One In Charge an his worka guy Moses.

Outa Egypt 15:16

Dey so much sked an shaking, dey donno wat fo do. Cuz a you, you strong. Dass why dey no move notting. Dey jus stan dea jalike one stone an no talk notting, Till yoa peopo go all da way da odda side, Da One In Charge, Till da peopo go da odda side, Dey da ones you wen free up!

Outa Egypt 20:20

Moses tell da peopo, “No sked! You guys know how come God come hea? He stay hea fo put presha on you guys fo you learn someting! An he like you guys no foget how you feel wen you stay sked a him, cuz if you get awesome respeck, bumbye you no goin go do someting bad.”

Outa Egypt 9:16

So, how come I stay let you live, aah? Az fo make you see dat I get all da powa, az why! Cuz I like make da peopo all ova da world know who me fo real kine.

Isaiah 52:10

Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!

Jeremiah 32:40

I goin make one deal wit dem dat goin las foeva: I still yet goin do good kine stuff fo dem, fo dem show respeck fo me, an dey no goin tell “Laytas” to me.

Rules Secon Time 28:10

Den all da diffren peopos on top da earth goin see dat Da One In Charge own you guys, an dey goin stay sked a you guys.

Rules Secon Time 6:2

Az cuz oua God, Da One In Charge, like fo you, yoa kids, an dea kids afta dem, stay sked a him an get respeck fo him all da time you guys stay alive. He like you guys do wat he tell you guys you gotta do, an show respeck fo his rules bout wass right an wass wrong, jalike I stay tell you guys. Az how you guys goin live long time.

1 Samuel 17:46

Today, Da One In Charge goin turn you ova to me. I goin bus you up, an cut off yoa head. I goin give da mahke bodies from all you Filisha army guys to da birds an da wild animals fo eat. Den da peopo all ova da world goin know dat us Israel guys get one God dass fo real kine!