Joshua 4:23 - Hawaii Pidgin Bible

²³ Cuz yoa God, Da One In Charge, make da Jordan Riva come dry till you guys go across. Az was jalike he wen do to da Red Sea, da time he make da sea come dry till all da peopo go across.

Joshua 4:23 Iomraidhean Croise

1 Kings 8:43

Den lissen from inside da sky wea you stay, An go do someting fo da guys from anodda place Dat aks you fo help um. Wen you do dat, All da diffren peopos all ova da world Goin know wat kine god you. Den dey goin feel jalike dey sked Wen dey come in front you, Same ting jalike yoa Israel peopo feel. An dey goin know Dat dis Temple I wen build, Get yoa name.

Nehemiah 9:11

You open up da sea in front dem Fo dem go inside da middo a da Red Sea On top dry groun. But da guys dat was chasing dem, You throw dem down inside da deep watta, Jalike wen you throw one rock inside da rough ocean.

Songs 78:13

God wen split open da Red Sea An take da peopo thru da middo To da odda side. He wen make da watta pile up Dis side an dat side Jalike had one dam dea.

Outa Egypt 14:21

Den Moses hold his hand out ova da sea. Da One In Charge make da wind blow strong on top da watta from da east side all dat nite. Da wind push da sea watta one side an da odda side an make da sea bottom come dry land!

Outa Egypt 15:19

Afta da horses from Pharaoh, wit da war wagons an da horse ridas, go inside da sea, Da One In Charge make da sea watta go back ova dem. But da Israel guys, dey wen walk thru da middo a da Red Sea on top da dry groun.

Isaiah 43:16

Dis one message from Da One In Charge, Da One wen make one road in da middo da Red Sea, One place fo da Israel peopo go Inside da danger watta.