Joshua 4:19 - Hawaii Pidgin Bible

¹⁹ Day numba ten, da firs month, da peopo come up outa da Jordan Riva an make camp by Gilgal on da east side a Jericho.

Joshua 4:19 Iomraidhean Croise

2 Kings 2:1

Da time come fo Da One In Charge carry Elijah up inside da sky inside one whirlwind. Az wen Elijah an Elisha stay leave Gilgal.

Amos 4:4

Amos tell: Dis wat da Boss tell: “Eh! you Israel peopo! Go Bethel side fo do bad kine stuff agains me! Go Gilgal side fo go agains me still yet, An do mo plenny bad kine stuff still yet! So den, wen you go ova dea, nex day morning time, Take da animal fo da sacrifice to da pries guy. Da day afta dat, take da ten percent you suppose to give God.

Amos 5:5

No go by da Bethel peopo fo get help, No go Gilgal side. No go da odda side a da country, Beer-Sheba side. You no foget, Gilgal was da firs place Yoa peopo wen come inside dis land, But now, Gilgal garans goin be da place Wea odda peopo goin drag you outa dis land! Da Bethel peopo goin come notting.”

Micah 6:5

“My peopo, No foget wat Balak wen tell Da king fo da Moab peopo, Dat he wen like put kahuna On top you guys! No foget how Beor boy Balaam wen ansa him, Dat Da One In Charge ony goin do good stuff fo you guys! No foget how you guys wen go from Koa Town to Gilgal, Wen me Da One In Charge do awesome stuff Fo help you guys go da odda side a da Jordan Riva. Den you goin undastan dat me, Da One In Charge, Stay do wass right fo you guys erytime.”

Rules Secon Time 1:3

But dat time, was forty year afta da Israel peopo come outa Egypt, an was winta time. Dass wen Moses tell da Israel peopo eryting Da One In Charge tell him he suppose to tell dem.

Rules Secon Time 11:30

(You guys know dat dose mountains stay da odda side a da Jordan Riva, on da west side a da main road, da side wea da sun go down, nea da big oak trees Moreh side, an inside da land fo da Canaan peopo dat live inside da Jordan Valley nea Gilgal.)

Joshua 10:43

Den Joshua an all da Israel peopo go back da camp Gilgal side.

Joshua 10:6

Den da Gibeon guys sen messenjas to Joshua at da Gilgal camp. Dey tell: “No leave us! Us yoa worka guys. Go come up real fas fo help us! Cuz all da Amor king guys from da hills come togedda fo wipe us out.”

Joshua 15:7

Den go up to da odda Debir town from Trouble Valley. Den turn an go north to Gilgal town, dat face da Adummim Pass da odda side a da canyon, den by da watta En-Shemesh side, an from dea to En-Rogel.

Joshua 24:11

“Den you guys go da odda side a da Jordan Riva, an go Jericho town. Da peopo inside Jericho fight you guys, an same ting da Amor peopo, da Periz peopo, da Canaan peopo, da Het peopo, da Girgash peopo, da Hiv peopo, an da Jebus peopo fight you. But I make you guys win ova all dem.

Joshua 4:18

So da pries guys come up outa da Riva carrying Da Box Fo No Foget Da Deal Da One In Charge Wen Make. Wen dea feets touch dry groun, da watta inside da riva come back an flood ova da sides jalike befo time.

Joshua 5:10

Day numba fourteen dat month, wen litto mo dark, an da Israel peopo still stay camp Gilgal side, dey make da spesho Passova religious kine ceremony.

Joshua 5:9

Den Da One In Charge tell Joshua, “Today, I take away da shame you guys wen get cuz you was slaves Egypt side.” Az why erybody still yet call dat place Gilgal.

Joshua 9:6

Dey go by Joshua inside da camp Gilgal side. Dey tell him an da Israel guys, “Us guys come from one far place. Make one deal wit us.”

1 Samuel 10:8

“Go down by Gilgal befo I go dea. I goin come by you fo shua, fo make da burn up kine sacrifices an da sacrifices dat show dat Da One In Charge an da peopo stay good wit each odda. But you gotta wait seven days till I come by you fo tell you wat fo do.”

1 Samuel 15:33

But Samuel tell, “Jalike you wen use yoa sword so dat da wahines no mo dea kids, Now, yoa muddah goin come one a da wahines dat no mo kids.” So Samuel wack Agag wit his sword an chop um up, right dea in front Da One In Charge, Gilgal side.