Joshua 4:18 - Hawaii Pidgin Bible

¹⁸ So da pries guys come up outa da Riva carrying Da Box Fo No Foget Da Deal Da One In Charge Wen Make. Wen dea feets touch dry groun, da watta inside da riva come back an flood ova da sides jalike befo time.

Joshua 4:18 Iomraidhean Croise

1 Records 12:15

Dey da guys dat wen go da odda side a da Jordan Riva high watta time March an April, wen da riva stay ovaflow. Dey make all da peopo dat live inside da Jordan valley run away da east side an da west side.

Isaiah 8:8

“Wen da armies come, Goin be jalike one big riva stay run fas thru da Judah land, Dat go all ova da land Till da watta come up to da neck! Wen da armies come, Goin be jalike one big bird come flying, An da wings cova yoa whole land. Immanuel!

Joshua 3:13

Da pries guys dat carry Da Box Fo Da One In Charge, da Boss fo da whole world, goin go stan inside da Jordan Riva watta. Wen dey do dat, da watta dat stay come down da riva goin stop! Da watta goin stay dea an pile up!”

Joshua 3:15

(You gotta know dat da Jordan Riva stay big an run ova da sides, spring time, all da time da peopo stay harves food.) But dat day, da pries guys dat carry Da Box go da edge a da Jordan Riva, an dea feets go inside da watta.

Joshua 4:11

Wen all da peopo pau cross da riva, da pries guys an Da Box Fo Da One In Charge go da west side a da riva. Den dey pass da odda peopo an go in front dem.

Joshua 4:17

Joshua tell um, “Go come up outa da Jordan Riva.”

Joshua 4:19

Day numba ten, da firs month, da peopo come up outa da Jordan Riva an make camp by Gilgal on da east side a Jericho.