Joshua 4:12 - Hawaii Pidgin Bible

¹² Da guys from da Reuben ohana, da Gad ohana, an half da Manasseh ohana go across too, ready fo fight. Dey go in front all da peopo right afta da pries guys, jalike Moses wen tell um fo do.

Joshua 4:12 Iomraidhean Croise

Outa Egypt 13:18

Dass why God make da peopo go da odda way, thru da boonies by da Red Sea. Wen da Israel peopo go outa da Egypt land, dea leada guys make ery fifty guys go togedda erytime, so dey jalike one big army ready fo fight.

Census 1:24

Da ones dat come from Gad: All da guys twenny year ol o mo dat can join da army get dea names dea, by dea ohanas an faddahs.

Census 32:17

But us guys stay ready fo fight! We goin go across da Jordan Riva firs, befo da odda Israel peopo go dea. An we goin stay till we bring um to dea places. Wen we do dat, oua wahines an kids can live dis side inside towns dat get strong wall, so da odda peopo inside da land no goin hurt dem.

Rules Secon Time 3:18

“Dat time, I wen tell you Reuben, Gad, an Manasseh guys dat goin stay east a da Jordan Riva, wat you gotta do: ‘Yoa God Da One In Charge wen give you guys da land dis side fo come yoa property. Az why all yoa guys dat can fight, gotta take dea bows an arrows an swords, an go da odda side a da Jordan Riva in front da odda Israel peopo fo help dem fight firs.

Rules Secon Time 33:21

Da time da leada guys fo all da peopo come togedda, Dey keep da bestes land fo you Gad guys, Cuz you da real leadas. You Gad peopo make diffren kine To da good peopo an da bad peopo, Da way Da One In Charge like do, Da Judge fo da Israel peopo.”

Joshua 1:14

Yoa wifes, yoa kids, an yoa animals goin stay inside da land Moses wen give you guys on dis side a da Jordan Riva. But all you guys dat can fight, you goin go across da riva wit all yoa stuffs fo fight. Dey goin go across firs, befo yoa braddah guys fo you guys help dem.

Joshua 4:11

Wen all da peopo pau cross da riva, da pries guys an Da Box Fo Da One In Charge go da west side a da riva. Den dey pass da odda peopo an go in front dem.

Joshua 4:13

Had bout 40,000 guys wit all dea stuff fo fight, go across in front Da One In Charge, to da flat place aroun Jericho, ready fo make war.