Joshua 3:16 - Hawaii Pidgin Bible

¹⁶ Right den an dea, da watta dat come from mo high up in da riva stop. Make one pile far away mauka side, by one town name Adam, one side Zaretan. All da res a da riva watta dat go down to da Big Salt Lake go dea. So da riva bottom come dry up. Az how da Israel peopo go across da riva to da odda side nea Jericho.

Joshua 3:16 Iomraidhean Croise

1 Kings 4:12

Baana Ben-Ahilud, fo Taanak, Megiddo, all da Bet-Shean land nex to Zaretan, down side from Jezreel, an from Bet-Shean ova to Abel-Meholah, an from dea across to Jokmeam.

1 Kings 7:46

Da king tell his guys fo melt da bronze metal an pour um ova dea nea da Jordan Riva, wit Sukkot on one side an Zartan on da odda side, cuz get da spesho kine dirt ova dea dat make good form fo pour metal inside.

Songs 114:3

Was jalike da Red Sea wen see dem Coming, an run away! Jalike da watta inside da Jordan Riva Wen turn roun An go back mauka side!

Songs 114:5

Eh! So, you, Red Sea, tell me dis: How come you so sked, You wen run away?! Eh you! Jordan Riva, tell me dis: How come you so sked, You wen turn aroun?!

Songs 29:10

Da One In Charge, he get his throne ova da big flood, Da One In Charge, he stay king foeva.

Songs 33:7

He bring togedda da watta Inside da ocean an keep um dea, Jalike he put da open ocean Inside one storage place.

Songs 66:6

He wen make da bottom a da Red Sea Come dry land, Fo da peopo walk to da odda side. Dass da place wea da peopo Come real good inside cuz a God!

Songs 74:15

Was you wen open up da pukas Fo watta come outa da groun An split da valleys fo da streams. Was you wen dry up da rivas Dat get watta all da time.

Songs 77:19

Da way you wen go was right thru da ocean. Yoa road, wea get da big watta, Nobody know az was yoa footprints.

Songs 78:13

God wen split open da Red Sea An take da peopo thru da middo To da odda side. He wen make da watta pile up Dis side an dat side Jalike had one dam dea.

Outa Egypt 14:21

Den Moses hold his hand out ova da sea. Da One In Charge make da wind blow strong on top da watta from da east side all dat nite. Da wind push da sea watta one side an da odda side an make da sea bottom come dry land!

Outa Egypt 14:22

An da Israel peopo go thru da middo inside da Red Sea, but da groun wea dey stay walking come dry awready. Da watta, stay fo dem jalike one wall on da right side an anodda wall on da lef side.

Outa Egypt 14:29

But da Israel peopo, dey walk thru da Red Sea from one side to da odda side, an da groun stay dry, an da watta stay jalike two wall fo dem, right side an lef side.

Outa Egypt 15:8

You blow, an da watta pile up. Da flood watta stan up strait, Jalike get one wall fo da waves. Inside da deep sea, Jalike da watta come solid.

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Ezekiel 47:8

Den he tell, “Dis watta go east, den go down inside da Arabah Valley, an from dea go inside da Big Salt Lake. An wen da watta from da Temple reach da Big Salt Lake, den da lake watta goin come fresh.

Nahum 1:4

He can talk strong to da ocean, an make um come dry. He make all da rivas come dry. Da green grass all ova Bashan an Carmel come no good too. Da flowas inside Lebanon come no good an mahke.

Habakkuk 3:8

Da One In Charge, you wen wack da rivas dat time, Az cuz you huhu, o wat?! You mad at da streams? Da time you wen ride yoa horses, An yoa war wagons, an you win, Az cuz you wen come piss off wit da ocean, o wat?!

Census 34:3

“Da south borda goin get some a da Zin Boonies by da borda a da Edom land. From da east side, da south side goin start from da end part a da Big Salt Lake.

Rules Secon Time 1:1

Dis wat Moses tell da Israel peopo. Dat time, dey all stay inside da boonies on da east side a da Jordan Riva, inside da Jordan Valley. Dass across Suf, wit Paran on one side an Tofel, Laban, Hazerot, an Dizahab on da odda side.

Rules Secon Time 3:17

On da west side get da Jordan Riva inside da Arabah Valley, from da Kinneret Lake to da big lake inside da Arabah Valley (az da Big Salt Lake), unda Mount Pisgah, da east side.

Joshua 12:3

Sihon, he da king too fo da peopo dat stay da east side a da Jordan Valley from da Kinneret Lake (Az Galilee Lake) to da Arabah Lake (az da Big Salt Lake), an to Bet-Jeshimot unda Mount Pisgah.

Joshua 15:2

Da south edge a dea land start from da bay dass da south edge a da Big Salt Lake.

Joshua 16:7

Den da borda go down from Janoah to Atarot an Naarah, reach Jericho an come out by da Jordan Riva.

Joshua 3:13

Da pries guys dat carry Da Box Fo Da One In Charge, da Boss fo da whole world, goin go stan inside da Jordan Riva watta. Wen dey do dat, da watta dat stay come down da riva goin stop! Da watta goin stay dea an pile up!”

Joshua 4:22

Tell dem, ‘Da Israel peopo wen go cross da Jordan Riva on top da dry groun.’

Joshua 5:1

Dat time, da Amor peopo live da west side a da Jordan Riva. Da Canaan peopo live on da coast. Da king guys fo da Amor peopo an da Canaan peopo hear how Da One In Charge wen make da Jordan Riva come dry, fo us Israel peopo go across um. Az why dey wen come bum out. Dey lose fight an no like beef da Israel peopo.

Local Leadas 7:22

Wen da three hundred trumpets make noise, Da One In Charge make da Midian guys inside dea camp attack each odda wit dea swords. Dea army guys run away to Bet-Shittah nea Zerarah to da edge a Abel-Meholah, nea Tabbat.