Joshua 24:33 - Hawaii Pidgin Bible

³³ Eleazar, Aaron boy, mahke, an dey bury him Gibeah side, inside da land dey give to Finehas, his boy, up country Efraim side.

Joshua 24:33 Iomraidhean Croise

2 Samuel 20:21

Us guys no stay do how you tink! Fo real, get one buggah inside yoa town from up country Efraim. His name Sheba, Bikri boy. He stay make ready fo fight King David. Give us dat one guy, an I goin go way, an no goin do notting to dis town.” Da wahine tell Joab, “Kay den! We goin throw his head ova da wall fo you!”

1 Kings 4:8

Dis da names fo da twelve govna guys. Ben-Hur, fo up country Efraim side.

2 Kings 5:22

Gehazi tell, “Eryting stay okay. My boss wen sen me fo tell, ‘You know, jus now two young guys come by me from up country Efraim side. Dey da kine guys dat stay learn fo talk fo Da One In Charge too. So try give dem two guys 75 poun silva an two set clotheses.’ ”

Job 30:23

I know you goin make me mahke, An go da place wea erybody dat stay alive gotta go.

Songs 49:10

Even da peopo dat know Wat fo do erytime, Dey mahke, Same ting da peopo dat tink dey get um, But dey no get um, An jalike da stupid peopo too— All dem disappea. Dey leave all dea stuffs Fo odda peopo dat come afta.

Outa Egypt 6:23

Aaron wen marry Elisheba. She Amminadab daughtah an Nakshon sistah. Elisheba wen born Nadab an Abihu an Eleazar an Itamar fo Aaron.

Outa Egypt 6:25

Eleazar, Aaron boy, he wen marry one a Putiel daughtahs. She wen born Finehas fo Eleazar. All dem, dey da leadas fo da diffren ohanas dat come from Levi.

Zekariah 1:5

“Yoa ancesta guys—wea dey stay now?! Da guys dat wen talk befo time fo me, Da One In Charge—you guys tink dey stay alive foeva, o wat?!

Census 3:32

Da main leada fo da Levi guys was Aaron boy Eleazar. He stay in charge a da guys dat take kea da Place Dat Stay Spesho Fo God.

Jesus Guys 13:36

“David, he work fo do wat God like him fo do wen he stay alive, an den he mahke. Dey bury him wit his ancesta guys, an his body come rotten.

Hebrews 7:24

But Jesus, he da One dat stay live foeva, an he da kine pries dat stay foeva. Dass why no need anodda pries guy.

Joshua 14:1

Dis da land da Israel peopo get fo come dea property Canaan side. Eleazar da pries guy, Joshua, Nun boy, an da leadas fo da Israel ohanas wen tell dem who get wat fo come dea property.

Joshua 22:13

But firs, da Israel peopo sen Finehas, Eleazar da pries boy, Gilead side by da Reuben ohana, da Gad ohana, an half da Manasseh ohana.

Local Leadas 17:8

He leave Betlehem an go look fo anodda town fo stay. Wen he stay go, he come Micah house up country Efraim side.

Local Leadas 18:13

From dea dey go till dey come up country Efraim side, an come Micah house.

Local Leadas 20:28

an Eleazar boy Finehas, Aaron grankid, work in front da Box.) Dey aks, “We goin go up fo fight oua braddahs one mo time, da Benjamin guys, o wat?” Da One In Charge tell, “Go! Cuz tomorra I goin make you guys win ova dem.”

1 Samuel 1:1

Had one man, Elkanah. His house stay Ramah town, dass up country Efraim side, you know. Jeroham his faddah, an Elihu his granfaddah, Tohu his great granfaddah, an dey get Zuf dat wen live Efraim side fo dea ancesta.

1 Samuel 9:4

So Saul an da worka guy, dey go up country Efraim from one side to da odda side, an thru da land aroun Shalishah. But dey no find da donkeys. Den, dey go mo down inside da Shaalim land, but da donkeys no stay ova dea too. Den dey go thru da Benjamin land, but still yet, dey no find um.