Joshua 23:10 - Hawaii Pidgin Bible

¹⁰ One a you guys make one tousan guys run away, cuz oua God, dass Da One In Charge a us, fight fo you guys, jalike he wen tell he goin do.

Joshua 23:10 Iomraidhean Croise

2 Samuel 23:8

Dese da names fo David bestes army guys: Numba one, Josheb-Basshebet, from Takkemon, he da leada fo da Big Three army guys. Had one time, he wen use his spear fo fight eight hundred guys, an he kill all a dem da same time.

1 Records 5:20

God help dem fight, an give dem da Hagar peopo an all dea frenz, cuz dey wen call out to God wen dey stay fight. He do wat dey tell him fo do, cuz dey trus him.

1 Records 5:22

Plenny odda peopo wen mahke, cuz God win da war. Da Israel peopo wen stay inside da land ova dea till dey go Babylon.

Songs 35:1

Eh! You Da One In Charge! Go agains da guys dat go agains me! Fight da guys dat attack me!

Songs 46:7

Da One In Charge, Da God Ova All Da Armies, He stay right hea wit us guys! Him da God dat oua ancesta guy Jacob wen pray to, God one strong wall Dat no let nobody attack us guys! (Time out fo da music.)

Outa Egypt 14:14

Da One In Charge, he da One goin fight fo help you guys. You guys, jus shut up an watch!”

Isaiah 30:17

One tousan a you guys goin run away Wen one a dea guys tell dat he goin hurt um. An if five a dea guys tell dat dey goin hurt you guys, All da res a you guys goin run away, Till you da ony one stay dea. Goin be jalike one pos Dass da ony ting stan on top one mountain, Jalike one flag on top da hill.

Prieses 26:7

You guys goin go afta da guys dat stay agains you, an you goin kill um wit yoa swords.

Prieses 26:8

Five a you guys goin chase one hundred a dea guys, an one hundred a you guys goin chase ten tousan a dea guys. Da guys dat stay agains you, you guys goin kill um wit yoa swords.

Zekariah 12:8

Dat time me, Da One In Charge, goin proteck da peopo dat live inside Jerusalem, jalike I stay put one shield aroun um. Az how da mos weak Jerusalem guy goin be jalike David, an da David ohana goin be jalike God, jalike wen da angel guy from Da One In Charge go in front dem.

Rome 8:31

So den, wat you tink bout all dis? God stay fo us guys to da max. Cuz God stay lidat, who goin go agains us? No mo nobody!

Rules Secon Time 20:3

He goin tell, “Lissen you Israel guys! Today you guys stay ready fo go fight da peopo dat stay agains you. No lose fight. No sked dem. No come sked an shaking cuz a dem.

Rules Secon Time 20:4

Cuz yoa God, Da One In Charge, he da One go wit you guys an fight fo you guys. He goin fight da peopo dat stay agains you guys. Az how you guys goin win ova dem.”

Rules Secon Time 28:7

“Da One In Charge goin make you guys win ova da guys dat stay agains you guys, wen dey come fo attack you. Dey goin come fo you guys from one side, but dey goin run away to seven places wen you chase um.

Rules Secon Time 3:22

You guys no need stay sked a dem. Cuz you guys God Da One In Charge, he da One goin fight fo you guys.’

Rules Secon Time 32:20

Da One In Charge tell, “I goin hide my face from dem, An see wat goin happen to dem. Cuz dey one crooked kine peopo. Dey kids dat I no can trus.

Rules Secon Time 32:30

Dey no tink how come one army guy Make one tousan Israel army guys run away! O how come two a dea army guys Make ten tousan Israel army guys run away! Ony one way dat can happen! Gotta be, Da One In Charge bag from dem! Da One dat befo time stay strong Jalike one Rock fo dem, But now, he give up on dem!

Joshua 10:42

Joshua dem win ova all dose kings an dea lands in one war, cuz Da One In Charge, da God fo da Israel peopo, wen fight fo da Israel peopo.

Joshua 23:11

So make shua dat you get love an aloha fo yoa God, Da One In Charge.

Joshua 23:3

You guys see all da stuff oua God, Da One In Charge, wen do to da peopos aroun you. He do um fo help you guys. Oua God Da One In Charge, he da One wen fight fo you guys.

Local Leadas 15:15

He find one jaw bone from one donkey dat mahke ony litto bit befo time. He use dat fo kill one tousan Filisha guys.

Local Leadas 3:31

Afta Ehud, get Shamgar, Anat boy. He kill six hundred Filisha guys wit one stick fo poke da cows. So he get da Israel peopo outa trouble too.

1 Samuel 14:6

Jonathan tell da young guy dat carry his stuff fo fight, “Go come, we go ova da pass by wea dose guys stay dat neva cut skin jalike God peopo. Maybe Da One In Charge go do someting fo help me an you. Da One In Charge goin win, no matta he get plenny guys o litto bit guys.”