Joshua 2:17 - Hawaii Pidgin Bible

^17-18 An da Israel guys tell her, “Us guys goin come inside yoa land fo fight. Wen us come, you gotta tie dis red rope fo hang outside dis same window wea you goin put us down outside da wall right now. An bring yoa faddah an muddah, yoa braddah guys, an all yoa ohana inside yoa house. If you no do dose two tings, God goin hemo us guys from da promise you wen make us make to you!

Joshua 2:17 Iomraidhean Croise

2 Samuel 21:7

Da king no let dem kill Mefiboshet, da one dat was Jonathan boy an Saul grankid. Cuz David an Jonathan, Saul boy, wen make one strong promise in front Da One In Charge fo help each odda.

Outa Egypt 20:7

“No go use my name an ack jalike dat give you da right fo do any kine stuff. Cuz me Da One In Charge, an anybody use my name fo do any kine stuff, no way I goin let dem go an no punish um.

Census 30:2

Wen one guy make one strong promise to Da One In Charge, o make one strong promise fo no do someting, fo erybody know dat he goin do um o no goin do um, he betta not broke wat he wen promise! He gotta do eryting he tell he goin do.

Joshua 2:20

An dis too: if you tell somebody wat us guys goin do, God goin hemo us from da promise you wen make us make.”