Joshua 2:11 - Hawaii Pidgin Bible

¹¹ Wen we hear dat, us lose fight, an no mo nobody like do notting agains you guys. Cuz yoa God, Da One In Charge, he da ony God in da sky up dea an on top da earth down hea.

Joshua 2:11 Iomraidhean Croise

1 Kings 8:60

Cuz a dat, all da diffren peopos all ova da world Goin know dat Da One In Charge, he da God dass fo real, An no mo anodda god jalike him.

2 Kings 5:15

Den Naaman an all his army guys go back by Elisha, da guy dat stay tight wit God. He stan in front Elisha, an tell, “Fo shua, now I know, dat no mo anodda God inside da whole world dat stay fo real kine! Ony get da one inside Israel. So boss, try let me do someting good fo you.”

Nehemiah 6:16

Wen all da guys dat stay agains us find out we pau, all da peopo inside all da countries aroun us guys come sked, an start fo figga maybe us mo strong den dem. Dey figga, us guys wen do all dat work cuz oua God stay help us.

Esther 8:17

Inside ery districk an big town, wea eva da rule dat da king tell wen come, all da Jews stay real good inside. Dey make big party an hoolaulea. An plenny odda peopo come Jews, cuz now dey real sked a da Jews.

Songs 102:15

Eh! You Da One In Charge! Bumbye, all da diffren nations Goin show plenny respeck Wen dey find out who you fo real kine. Da king guys from all ova da world Goin show plenny respeck Wen dey see how awesome you stay.

Songs 22:14

My life, jalike all pau awready, Jalike you dump watta on top da groun. All da bones inside my body, all hamajang. I feel jalike I stay melting inside, Jalike sof wax.

Songs 58:7

I like dem disappea jalike watta Dat run away An you no see um no moa. Wen dey shoot dea arrows, I like notting happen.

Songs 83:18

You, yoa name Da One In Charge! I like dose peopos know Dat no mo anodda god jalike you! You da God Dass Mo Importan Den All Da Odda Gods! You stay in charge a da whole world!

Outa Egypt 15:14

Da odda peopos, dey goin hear dis, Dey come sked an shaking! Da peopo dat live inside da Filisha land, Dey suffa plenny!

Outa Egypt 15:15

Dat time, da main leada guys from Edom, Dey lose fight an no can do notting. Da leada guys from Moab, Dey ony stan dea an shake! Da peopo dat live Canaan side, Dey all donno wat fo do awready.

Isaiah 13:7

Cuz a dis, all da Babylon peopo goin come weak An lose fight.

Isaiah 19:1

Me, Isaiah, I get heavy kine stuff fo tell bout wat I see goin happen to da Egypt peopo: Da One In Charge stay come Egypt side, Jalike he stay ride on top one cloud. Da idol kine gods da Egypt peopo pray to Stay shake in front him. Da Egypt peopo stay plenny sked An no can tink good.

Ezekiel 21:15

Dis goin happen fo erybody come sked, An plenny peopo goin mahke. I put da guy wit da sword in da place fo kill plenny peopo By all da town gates. Bummahs fo dem! I make da sword shine jalike da lightning! Da guy grab um fo kill peopo.

Nahum 2:10

Da army guys goin rip off all da Nineveh peopo stuffs fo shua! Da Nineveh peopo lose fight an come bum out. Dey stay sked an shaking. Erybody look sked.

Rules Secon Time 1:28

Wea we goin go, aah?! Oua braddahs dat wen go look da land, make us lose fight. Dey tell, “Da peopo mo big an mo tall den us. Dea towns stay big. Dey get big wall dat go up inside da sky. We even see giant guys ova dea—da ones dat come from Anak!” ’ ”

Rules Secon Time 20:8

Den da army leadas goin tell da army guys dis too, “Anybody hea dat stay lose fight an donno how fo make up his mind, he can go home, cuz bumbye his braddah guys goin lose fight jalike him.”

Rules Secon Time 4:39

“Today you gotta know dis, an tink bout um plenny—dat Da One In Charge, da God inside da sky up dea, an he da God fo da earth down hea too! No mo anodda God!

Joshua 14:8

You know, my braddahs dat wen go wit me make da peopo come real sked. But me, I wen go all out fo stay tight wit my God, Da One In Charge.

Joshua 2:24

Dey tell Joshua, “Da One In Charge stay give us all da land fo take ova. An all da peopo ova dea stay jalike dey melting in front us, cuz dey real sked!”

Joshua 5:1

Dat time, da Amor peopo live da west side a da Jordan Riva. Da Canaan peopo live on da coast. Da king guys fo da Amor peopo an da Canaan peopo hear how Da One In Charge wen make da Jordan Riva come dry, fo us Israel peopo go across um. Az why dey wen come bum out. Dey lose fight an no like beef da Israel peopo.

Joshua 7:5

Da Ai guys chase um from in front da town gate an down da hill, to da place wea dey cut stone blocks. Dey kill bout thirty-six a da Israel guys. Den da odda Israel guys come bum out an lose fight, jalike dea heart come weak.

Joshua 9:24

Da Gibeon guys tell Joshua, “Us, yoa worka guys. Somebody wen tell us, dat yoa God, Da One In Charge, wen tell his worka guy Moses, fo give you guys all da land an fo wipe out all us peopo dat live ova hea. Az why we come sked us goin mahke cuz a you guys. Az how come us wen make lidat.

Jesus Show 6:16

Dey yell to da mountain an da rock, “Fall down on top us an hide us, fo God dat stay sit on top da throne no see us! Hide us from da Bebe Sheep Guy, cuz he had it wit da bad kine stuff we stay do!