Joshua 18:8 - Hawaii Pidgin Bible

⁸ Wen da guys start fo go, Joshua tell dem, “Go scope out da land. Write wat you guys see. Den come back hea Shiloh side an tell me. An I goin pull straw in front Da One In Charge”

Joshua 18:8 Iomraidhean Croise

Start 13:17

So, go. Go holoholo all ova da land. Look how far an wide da land! I goin give da whole ting to you.”

Isaiah 34:17

He wen measure da land he goin give To all da birds an animals. An to dea kids an dea grankids, Fo dem get da Edom land all da time.

Rome 14:19

So den, us gotta try hard fo make shua we do da kine stuff dat make erybody stay good wit each odda, an we gotta help each odda fo come mo strong inside.

Joshua 13:7

Give um to da nine ohanas an half da Manasseh ohana fo come dea property.”

Joshua 15:1

Da property fo da Judah ohana, fo da small Judah ohanas, start nex to da Edom land. Dass da Zin Boonies, south side.

Joshua 18:1

All da Israel peopo come togedda at Shiloh town. Dey put up da big tent wea da peopo meet Da One In Charge ova dea. Dey wen take charge a da land awready.

Joshua 18:10

Den Joshua pull straw Shiloh side in front Da One In Charge. He give da seven piece land to da seven ohanas from da Israel peopo.

Joshua 18:6

Afta you guys write down wat you find out bout da seven piece land, bring um back by me, an I goin pull straw fo you guys right hea in front oua God, dass Da One In Charge a us.

Joshua 18:9

So da guys go scope out da land, town by town. Dey write bout um on top one paypa, an make seven piece land. Den dey go back by Joshua Shiloh side.

1 Samuel 14:41

Den Saul pray to Da One In Charge, “You, da God fo da Israel peopo! Show who neva do notting bad, an who wen do someting bad!” Den dey pull straw, an Jonathan an Saul get da blame, an da army guys stay good.