Joshua 18:6 - Hawaii Pidgin Bible

⁶ Afta you guys write down wat you find out bout da seven piece land, bring um back by me, an I goin pull straw fo you guys right hea in front oua God, dass Da One In Charge a us.

Joshua 18:6 Iomraidhean Croise

Songs 105:11

Cuz God tell Jacob, “I goin give you Da Canaan land foeva! Az da land I wen pick Fo come yoa kids property.”

Smart Guys 16:33

Wen you pull straw Fo find out wat fo do, Az Da One In Charge make um come out Da way dey come out.

Smart Guys 18:18

Wen peopo make argue, Pull straw fo make um stop. Even if dey get plenny powa, Dey no goin come togedda fo fight.

Census 33:54

Pull straw fo tell wat ohana get wat land. Fo one big ohana, give dem one big land, an fo one small ohana, give dem one small land. Wateva dey get from pull straw, goin be deas. Give um to da twelve Israel ohanas fo be dea property.

Census 34:13

Moses tell da Israel peopo “Pull straw fo give ery ohana dea property. Da One In Charge tell dat ony da nine an one half ohanas goin get um.

Jesus Guys 13:19

He wipe out seven peopos Canaan side, an give dea land to his peopo jalike one faddah wen promise fo give land to his boy.

Joshua 14:2

Da nine an one half ohanas gotta pull straw fo tell wat ohanas get wat land, jalike Da One In Charge wen tell Moses fo do.

Joshua 18:10

Den Joshua pull straw Shiloh side in front Da One In Charge. He give da seven piece land to da seven ohanas from da Israel peopo.

Joshua 18:7

But da Levi ohana no goin get property in da middo a you guys, cuz dey da pries guys fo Da One In Charge. Dass da kuleana dey get, dass dea property. Da Gad ohana, da Reuben ohana, an half da Manasseh ohana get dea land awready, da east side a da Jordan Riva. Moses, Da One In Charge worka guy, wen give um to dem.”

Joshua 18:8

Wen da guys start fo go, Joshua tell dem, “Go scope out da land. Write wat you guys see. Den come back hea Shiloh side an tell me. An I goin pull straw in front Da One In Charge”