Joshua 15:7 - Hawaii Pidgin Bible

⁷ Den go up to da odda Debir town from Trouble Valley. Den turn an go north to Gilgal town, dat face da Adummim Pass da odda side a da canyon, den by da watta En-Shemesh side, an from dea to En-Rogel.

Joshua 15:7 Iomraidhean Croise

2 Samuel 17:17

Da prieses boys, Jonathan an Ahimaaz, awready stay by da Rogel Spring nea Jerusalem, cuz no good somebody see dem go inside da town. Weneva get message, one worka girl go dea fo tell dem an dey go tell King David.

1 Kings 1:9

Adonijah go make plenny sacrifice, wit sheeps an bulls an da kine cows peopo wen feed plenny fo make um come fat. He do dat right outside Jerusalem, by da big stone dey call Zohelet nea da En-Rogel puka fo watta. He tell all his braddah guys, King David boys, fo come, an all da guys from da Judah ohana dat stay work fo da King.

Isaiah 65:10

Fo my peopo dat come fo aks me someting, Da Sharon plain goin come one place Wea da sheeps an goats goin get plenny grass. Da Akor Valley, wea get big trouble befo time, Goin come one place wea plenny cows goin res.

Hosea 2:5

Wen dea muddah fool aroun. She come hapai but she no mo shame. She tell, ‘I goin go afta da guys dat make sex wit me, Da ones dat give me my food an watta, My wool, my linen, my olive oil, an my wine.’

Joshua 10:43

Den Joshua an all da Israel peopo go back da camp Gilgal side.

Joshua 15:15

From dea, Caleb go agains da peopo dat live inside Debir town. Peopo wen call Debir “Kiriat-Sefer” befo time.

Joshua 15:6

Den go up by Bet-Hoglah town an den da north side a Bet-Arabah town to da Bohan Stone dat dey name fo Bohan, Reuben boy.

Joshua 18:17

From dea, da edge go north by En-Shemesh, an by Gelilot, in front da Adummim Pass, den down to da Bohan Stone, dat get da name from Reuben boy Bohan.

Joshua 4:19

Day numba ten, da firs month, da peopo come up outa da Jordan Riva an make camp by Gilgal on da east side a Jericho.

Joshua 7:24

Den Joshua an all da Israel peopo take Akan from da Zerah blood line, da robe, da silva, an da gold bar, to da Achor Valley (dat mean Trouble Valley). Dey take his boys an girls dea too, an da cow he use fo plow da groun, his donkey, his sheeps an goats, his tent, an all da odda stuff he own.

Joshua 7:26

Dey put one big stack rocks on top Akan body, an da rocks stay dea still yet. Den Da One In Charge no stay huhu no moa. Az why dey call dat place Achor Valley from dat time. (Dat mean, Trouble Valley.)