Joshua 15:11 - Hawaii Pidgin Bible

¹¹ Den da borda go da north side a da hill nea Ekron town, an turn to Shikkeron town, an pass Mount Baalah, an reach Jabneel town. From dea, end by da Mediterranean Sea. Dis da north edge.

Joshua 15:11 Iomraidhean Croise

2 Kings 1:16

Wen Elijah see da king, he tell um, “Dis wat Da One In Charge tell: You tink no mo God inside Israel fo aks him wat fo do, so you sen guys Ekron side fo aks dea god Baal-Zebub wat fo do? Cuz you wen make lidat, you no goin get off da punee you stay lay on top. Fo shua you goin mahke!”

2 Kings 1:6

Dey tell um, “One guy come meet us, an he tell us fo go back by you da king dat wen sen us guys, an tell you, ‘Dis wat Da One In Charge tell: Wot?! No mo God inside Israel, o wat? Az why you guys gotta go Ekron side fo aks dea god Baal-Zebub wat goin happen?! Az why you no goin stan up one mo time from da punee wea you stay lay down. Fo shua you goin mahke!’ ”

2 Records 26:6

He go make war agains da Filisha guys, an broke down da town wall fo three towns: Gat, Jabneh, an Ashdod. Den he build da towns one mo time nea Ashdod an odda places wea da Filisha peopo wen stay.

Census 34:6

“Da west side goin be da coast fo da Mediterranean Sea. Az all da west side.

Joshua 15:10

Den go west from Baalah to da Seir Range, an aroun da north side a Mount Jearim (dass Kesalon), an down to Bet-Shemesh, an go across to Timnah.

Joshua 15:12

Da west edge, az da coast a da Mediterranean Sea. Dis da land fo da Judah ohana.

Joshua 15:45

Towns fo da Judah ohana wea da Filisha peopo live: Ekron, an small towns aroun dea,

Joshua 15:9

From da top a dat hill, go aroun to da Neftoah puka fo watta, den to da Mount Efron towns, an den down by Baalah town, dat get da name Kiriat-Jearim too.

Local Leadas 1:18

Da Judah guys win ova Gaza, Ashkelon, an Ekron, dose towns an da land aroun um.

1 Samuel 17:52

Den da Israel an Judah guys yell fo fight an start fo chase afta da Filisha guys all da way to Gat an to da Ekron town gates. Get mahke Filisha guys dat fall down all ova da Shaarayim road, till you come to Gat an Ekron.

1 Samuel 5:10

So den da Gat peopo sen God Box Ekron side. But wen da Box stay come nea Ekron, da peopo ova dea start fo yell, “Dey stay bring da box fo da Israel god aroun by oua side, fo dem kill us guys hea, an all oua peopo!”

1 Samuel 5:8

So dey call togedda da leadas fo all da Filisha peopo, an aks dem, “Wat we goin do wit da box fo da Israel god?” Da leada guys tell, “Pass da box fo da Israel god, Gat side!” So dey move da Box Fo Da Israel God.

1 Samuel 7:14

Da towns from Ekron to Gat, dat da Filisha peopo wen take away from da Israel peopo befo time, da Israel peopo get um back one mo time. An da Israel guys get all da peopo aroun dea outa da Filisha peopo powa. An dat time too, da Israel peopo an da Amor peopo no fight each odda.