Joshua 11:21 - Hawaii Pidgin Bible

²¹ Dat time too, Joshua go up country an wipe out da Anak peopo from Hebron town, Debir town, an Anab town, from all da mountains inside Judah an Israel. Joshua dem wipe um all out an dea towns, jalike dey one sacrifice.

Joshua 11:21 Iomraidhean Croise

Jeremiah 3:23

Fo shua, wat us wen do up dea on top da hills, Az ony one show! Eryting us wen do on top da mountains, Az ony fo make big noise! Cuz you, oua God, you Da One In Charge a us, Ony you can get us Israel guys outa trouble.

Jeremiah 9:23

Dis wat Da One In Charge tell: “Da guy dat know wat fo do erytime No good fo him talk big dat he know wat fo do. Da guy dat know how fo fight No good fo him talk big dat he know how fo fight. Da rich guy, no good if him talk big bout how rich him.

Amos 2:9

“Neva mind was me dat wen wipe out da Amor peopo Fo you Israel peopo live hea. Da Amor peopo was tall, jalike da cedar tree, Strong, jalike da oak tree. But I wen wipe dem out Jalike I wipe out all dea fruits from da branches An dea roots from undaneat da groun too.

Census 13:33

We see da Nefil peopo ova dea. (Da Anak peopo come from da Nefil peopo, you know.) Wen we look at dem guys, us guys look small, jalike grasshoppas. An az how us guys wen look to dem too.”

Rules Secon Time 1:28

Wea we goin go, aah?! Oua braddahs dat wen go look da land, make us lose fight. Dey tell, “Da peopo mo big an mo tall den us. Dea towns stay big. Dey get big wall dat go up inside da sky. We even see giant guys ova dea—da ones dat come from Anak!” ’ ”

Rules Secon Time 2:21

Dey was strong peopo, an get plenny a dem. Dey tall jalike da Anak giants. Da One In Charge wen let da Ammon peopo wipe out da Refa peopo, an take ova dea land. Den da Ammon peopo live inside dat land, an not da Refa peopo.

Rules Secon Time 9:2

Da peopo dea stay strong an tall. Dey come from da Anak peopo. You guys know bout dem. You guys wen hear, ‘No mo nobody can stan up agains da Anak peopo!’

Joshua 10:42

Joshua dem win ova all dose kings an dea lands in one war, cuz Da One In Charge, da God fo da Israel peopo, wen fight fo da Israel peopo.

Jesus Show 6:2

Den, eh! I look an see one white horse. Had one guy on top um wit one bow fo shoot arrow. He get one crown. An he go out jalike one army guy fo fight an win agains da guys dat hate him.

Local Leadas 1:20

Jalike Moses wen promise, da Judah guys give Hebron town to Caleb. He take da town away from three guys dat come from Anak.