Joshua 11:20 - Hawaii Pidgin Bible

²⁰ Da One In Charge da One wen make da odda peopos come hard head fo dem like fight da Israel peopo. Az how Da One In Charge wipe dem all out jalike dey one sacrifice, an no give dem chance. Az wat Da One In Charge wen tell Moses fo do.

Joshua 11:20 Iomraidhean Croise

2 Samuel 17:14

Absalom an all da Israel guys tell, “Wat Hushai da Ark guy tell us fo do, mo betta den wat Ahitofel tell us fo do.” (Cuz you know, Da One In Charge wen plan awready fo jam up wat Ahitofel tell fo do. He do dat fo Da One In Charge make bad kine stuff happen to Absalom.)

1 Kings 12:15

An dass how was. Da king no lissen da peopo. But was Da One In Charge wen make um happen lidat. Cuz az da ting Da One In Charge wen tell Ahijah da Shiloh guy fo tell Jeroboam, Nebat boy, long time befoa.

2 Records 22:7

But wen Ahaziah go visit Joram, God use dat fo make Ahaziah come wipe out. Cuz one time wen Ahaziah stay ova dea wit Joram, he go out wit Joram fo meet Jehu, Nimshi boy. An Jehu was da guy dat God give da kuleana fo wipe out all da Ahab ohana.

2 Records 25:16

Wen he still yet stay talk, da king tell him, “Eh! Us give you da job fo tell yoa king wass good fo him do, o wat?! Stop! No good my guys kill you!” So da guy dat talk fo God stop. But he tell, “Fo shua God tell awready wass good fo do. He goin wipe you out! Az cuz you wen bring dose odda gods hea. You no lissen wen I tell you wass good fo do!”

Outa Egypt 10:1

Da One In Charge tell Moses, “Go back by da Pharaoh guy. I da one wen make um fo him no tink good, him an his palace guys. I stay do dat fo me still do all dis awesome kine tings dat I stay do right dea in front dem, an make shua dey know dat I stay fo real.

Outa Egypt 11:10

Moses an Aaron show all kine awesome proof in front da Pharaoh guy fo him know az God stay do um. Still yet, Da One In Charge make da Pharaoh guy hard head. Dass why he no like let da Israel peopo go way from his land.

Outa Egypt 14:17

You know wat I stay do? I stay make da Egypt army guys get real hard head fo dem chase afta you guys. Den, I goin use da Pharaoh guy an all his army guys an his war wagons an his horse rida guys fo make erybody know how awesome I stay!

Outa Egypt 14:4

I goin make da Pharaoh guy come hard head, so he goin like go afta you guys. Wen he do dat, I goin use da Pharaoh guy an all his army guys fo show erybody how awesome I stay. Da Egypt peopo goin find out dat me Da One In Charge fo real kine!” So da Israel peopo do wat God tell um fo do.

Outa Egypt 14:8

Da One In Charge make da Pharaoh guy come hard head. Dass why him an da oddas wen go afta da Israel peopo. But da Israel peopo, dey stay go outa Egypt, jalike dey no sked notting.

Outa Egypt 4:21

Den Da One In Charge tell Moses, “Wen you get back dea Egypt side, make shua you show um all da awesome proofs dat I wen give you da powa fo do. Do um in front da Pharaoh guy. But I goin make him come hard head, so he no goin let go da peopo.

Outa Egypt 9:12

But Da One In Charge still yet make da Pharaoh guy hard head. He no lissen dem, jalike Da One In Charge wen tell Moses befo time.

Outa Egypt 9:16

So, how come I stay let you live, aah? Az fo make you see dat I get all da powa, az why! Cuz I like make da peopo all ova da world know who me fo real kine.

Isaiah 14:24

Da One In Charge, Da God Ova All Da Armies, Awready make dis promise: “I wen plan um lidis, dass how goin be. I wen tell dat wat gotta happen, dass how goin happen.

Isaiah 34:2

Cuz Da One In Charge, he stay huhu Wit all da peopo inside da diffren countries. He no like wat all dea army guys do. He give up wit dem awready. He goin let odda guys kill dem An wipe all dem out.

Rome 9:18

So den, if God like give one guy chance, dass wat he goin do. An if he like make one guy hard head, az wat he goin do too.

Rules Secon Time 2:30

But Sihon, da king fo Heshbon town, no like let us go thru dea. Az cuz oua God, dass Da One In Charge a us, wen make him hard head, an cuz a dat he give you guys da powa fo take him ova. An now, God let you guys win.

Rules Secon Time 7:16

You guys gotta wipe out all da peopos dat oua God, Da One In Charge, give you guys da powa fo wipe um out. No show pity fo dem, an no do work fo dea gods, cuz all dat az jalike one trap fo catch you guys.

Local Leadas 14:4

(His faddah an muddah donno dat was Da One In Charge make dat happen. Cuz Da One In Charge like make someting happen wit da Filisha guys. He like da Israel peopo go agains da Filisha peopo. Cuz dat time da Filisha peopo stay in charge a da Israel peopo.)

1 Samuel 2:25

You know, aah? one guy do bad kine stuff agains anodda guy, Da One In Charge can come in da middo an make um right. But, if one guy do bad kine stuff agains Da One In Charge, he had it awready! Nobody goin come in da middo fo make um right!” But his boys no lissen wen dea faddah poin finga dem an scold um. Az cuz Da One In Charge awready like dem mahke!