Joshua 10:25 - Hawaii Pidgin Bible

²⁵ Joshua tell dem, “No sked! No come bum out! Come strong! Dis wat Da One In Charge goin do to all da peopo dat stay agains you guys an fight you.”

Joshua 10:25 Iomraidhean Croise

Songs 63:9

But da peopo dat stay look fo me Fo make trouble an kill me, I like fo dem go down Deep inside da groun Wea da mahke peopo stay.

Songs 77:11

But you know wat, Da One In Charge?! I goin no foget all da tings You wen do awready. I goin tink bout Da awesome kine stuff You wen do befo time.

Rome 8:37

Cuz Christ get love an aloha fo us guys to da max, no matta wat kine trouble get, dat no bodda us, cuz we da winnas fo shua!

2 Corint 1:10

Wen we almos mahke, he wen take us outa da bad kine stuff dat wen happen to us guys. An he goin take us outa da bad kine stuff nex time too. We still stay shua he goin take us outa da bad kine stuff ova an ova.

Efesus 6:10

So den, stan strong cuz you guys stay tight wit Da One In Charge, an he get all da powa you guys need fo make you guys strong inside.

Rules Secon Time 7:19

You guys wen see how oua God, Da One In Charge, wen make da Egypt peopo suffa. He show how strong him, an he make happen plenny awesome tings. He use his strong powa fo take you guys outa dea. An now, oua God, Da One In Charge, goin do da same ting to all da peopos dat stay make you guys come sked now.

Joshua 1:6

“Come strong an no lose fight! Cuz you goin give dis peopo dea property—da land dat I wen promise dea ancesta guys dat I goin give um.

Joshua 1:9

I neva tell you awready? You gotta come real strong an no lose fight fo shua! No sked notting, an no come bum out! Cuz me, yoa God, Da One In Charge, I goin stay wit you wea eva you go.”

Joshua 10:8

Da One In Charge tell Joshua, “No sked dem. I goin help you guys win ova dem. Dey no can stan agains you guys.”

1 Samuel 17:37

Da One In Charge, he da One wen get me outa da lion an da bear powa, an he goin get me outa dis Filisha guy powa too!” So Saul tell David, “Go awready! Da One In Charge goin stay wit you.”