Joshua 10:24 - Hawaii Pidgin Bible

²⁴ Wen dey bring dose kings by Joshua, he tell all da Israel guys fo come by him. He tell da leadas fo da army guys dat stay wit him, “Come ova hea. Put yoa feets on top da king guys necks, fo show you wen win ova dem.” So dey come in front an put dea feets on top da king guys necks.

Joshua 10:24 Iomraidhean Croise

2 Samuel 22:39

I wipe um out, I poke um wit my sword. Dey no can stan up. Dey fall down unda my feets.

2 Samuel 22:41

Da ones dat stay agains me, You make dem turn aroun an run away. An I wipe out da peopo dat hate me.

Songs 107:40

God show dea alii guys, Da ones dat put presha on da peopo, Dat dea alii guys no worth notting, He make da alii guys go hea an dea Inside da boonies, wea no mo road.

Songs 110:1

Dis wat Da One In Charge Tell my boss, da king: “Sit down hea, my right side, Da place dat show I get plenny respeck fo you. Wait till I bring Da peopo dat stay agains you Fo you put yoa foot on top dem Fo show dat you da winna ova dem.”

Songs 110:5

My boss, he stay right dea Wit you fo proteck you. Da time he goin show peopo Dat he real huhu, He goin bus up odda king guys.

Songs 18:40

Da ones dat stay agains me, You make um turn aroun an run away. I wipe out da peopo dat hate me.

Songs 91:13

You goin win ova eryting, Jalike if you wen fight Wit da young lions O da poison snakes.

Isaiah 51:23

I goin put dat wine bowl In da hands a da peopo Dat wen make you guys suffa, Da ones dat tell you guys, ‘Go lay down on top da groun! Fo us walk on top you guys! Make yoa back flat jalike da groun Jalike one road fo us walk on top.’ But I goin make trouble fo dem.”

Malakai 4:3

Da time wen I goin do all dat, Jalike you guys goin walk all ova da bad kine peopo, Cuz dey goin be jalike da dirt undaneat you guys feets. Dass wat Da One In Charge, Da God Ova All Da Armies tell.

Rome 16:20

God, he da One dat like make us come so notting bodda us. He da One dat goin wipe out da powa Satan get. Pretty soon dat goin happen. I like fo Jesus, Da One In Charge, do plenny good kine stuff fo you guys.

Rules Secon Time 33:29

You Israel peopo can stay good inside! No mo nobody jalike you guys. Da One In Charge get you guys outa trouble. Jalike he yoa shield, He help you guys. Jalike he yoa awesome sword, He fight fo you guys. Da peopo dat stay agains you guys Goin come sked an shaking in front you guys. You guys goin walk all ova dea backs.”

Hebrews 1:13

God neva tell dis to da angel guys, but he tell dis to his Boy: “Go come ova hea, sit down! Dis da importan place by my right side. Bumbye I goin make da peopo dat go agains you Go down in front you, Fo show dat you da winna ova dem.”

Local Leadas 8:20

An he turn to his numba one boy Jeter, an tell him, “Kill um!” But Jeter no pull out his sword, cuz he still young, an he sked.