Joshua 10:13 - Hawaii Pidgin Bible

¹³ Az why da sun wen wait, An da moon no move, Till da Israel guys pay back da guys dat stay agains dem. Jalike da Jashar book tell. Da sun stop in da middo a da sky, an no go down almos one whole day.

Joshua 10:13 Iomraidhean Croise

2 Samuel 1:18

(He call um Da Sad Song Bout Da Bow. He tell da teacha guys fo teach da Judah guys how fo sing dis song. Stay inside da Book Bout Da Peopo Dat Stay Do Wass Right.) Dis da song:

2 Kings 20:10

Hezekiah tell, “Az easy fo da shadow go down ten step. So mo betta, make um go back up ten step!”

Esther 8:13

Dey sen one copy a dis rule to ery districk, an tell um to ery peopo, fo da Jews stay get ready dat day fo fight da guys dat hate dem.

Job 9:7

He tell da sun no shine, an da sun no come up. He cova up da stars so dey no shine.

Songs 148:3

Jalike peopo tell good tings Bout Da One In Charge, Az good fo da sun an da moon Do da same ting too! An same ting fo all da stars dat shine!

Songs 19:4

Da tings da sky tell, Peopo all ova da world awready know bout um. Ery place on top da earth, Da peopo awready hear wat da sky tell. Da sun, he stay inside da sky. Dass wea God wen put up one tent fo him.

Isaiah 24:23

“Den da bright moon no need shine Cuz no need da light. An da hot sun no need shine Cuz no need um fo stay warm. Az cuz dat time, Da One In Charge, Da God Ova All Da Armies, He goin be da king On top Zion hill wea da Temple stay Inside Jerusalem town. In front da older guys dat lead his peopo He goin show how awesome he stay.”

Isaiah 38:8

Da One In Charge tell, ‘Da shadow from da sun go down ten step awready, on top da palace stair dat King Ahaz wen build. Now, I goin make da sun shadow go back up da same ten step.’ ” So az wat wen happen. Da sun shadow go back up da same ten step, wea come down awready.

Joel 2:10

Da earth shake in front um. Da sky shake too. Da sun an da moon come dark. Da stars no shine no moa.

Joel 2:31

Da sun goin come dark, An da moon goin come red jalike blood. Dat goin happen befo da big an skery time Wen Da One In Charge come fo take ova.

Joel 3:15

Da sun an da moon goin come dark, An da stars no goin shine.

Habakkuk 3:11

Da sun an da moon no move inside da sky Wen yoa arrows shine an go flying, An yoa spear shine an go fas jalike lightning.

Census 21:14

Az why da Book Bout Da Wars Fo Da One In Charge tell: “Waheb inside Sufah an da gulches, Da Arnon Riva,

Census 31:2

“Pay back da Midian guys fo wat dey wen do to da Israel peopo. Afta dat, you goin mahke an go by yoa ancesta guys.”

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Matthew 5:45

Wen you do dat, you goin show fo real kine dat you da kine kids dat come from yoa Faddah dat stay in da sky. He make da sun come up fo da bad guys an da good guys. An he sen rain fo da guys dat do da right tings, an fo da guys dat no do da right tings.

Luke 18:7

You guys tink God no goin make tings right fo da ones he wen pick, wen dey stay beg him day time an nite time? You tink he goin take long time fo help dem?

Jesus Guys 2:20

Da sun goin come dark, An da moon goin come red jalike blood. Dat goin happen Befo da big an awesome Day Wen God, Da One In Charge, come fo judge all da peopo.

Joshua 10:11

Wen dey stay running away from da Israel guys on top da road dat go down from Bet-Horon to Azekah, Da One In Charge make big kine hail stone come down on top dem from da sky. Mo plenny Amor guys wen mahke from da hail den from da Israel guys swords.

Joshua 10:14

Befo dat neva get one day jalike dat one, an from dat time, neva get anodda day jalike dat day one mo time. Cuz dat time, Da One In Charge wen lissen one guy. Fo shua Da One In Charge stay fight fo da Israel peopo!

Jesus Show 21:23

Da town no need da sun o da moon fo shine on top um, cuz God stay awesome, an God light shine on top um, an God Bebe Sheep Guy jalike da lamp.

Jesus Show 6:10

Da peopo spirits talk loud, an tell, “Eh, you Da One In Charge! You get all da powa! You spesho, an you tell da trut! How long mo we gotta wait till you come fo judge all da peopo hea on top da earth an punish dem? Cuz dey wen kill all us guys!”

Jesus Show 6:12

An jalike one dream, I watch wen da Bebe Sheep Guy broke open da numba six seal on top da paypa. Right den an dea da earth shake real hard all ova! Da sun come real dark, an da moon come red jalike blood.

Jesus Show 8:12

Da numba four angel guy blow his trumpet, an someting hit thirty percent a da sun, thirty percent a da moon, an thirty percent a da stars, an dey come dark. Da day time, thirty percent mo dark, an da nite time, thirty percent mo dark.

Local Leadas 16:28

Den Samson yell fo Da One In Charge help um. He tell, “Eh Boss! Da One In Charge! No foget me! God, try make me come strong, jus dis one mo time! Right now, try let me do dis one ting fo pay back da Filisha peopo fo my two eyes!”

Local Leadas 5:2

“Wen da leada guys fo Israel Go all out fo help da peopo, An da peopo go wit dem, Az da time fo talk good bout Da One In Charge!