Joshua 10:10 - Hawaii Pidgin Bible

¹⁰ Da One In Charge make da Amor guys come all jam up wen dey see da Israel guys. Az how Da One In Charge wack da Amor guys real hard Gibeon side. Den he chase um up da road dat go Bet-Horon Pass, an wipe um out all da way to Azekah an Makkedah.

Joshua 10:10 Iomraidhean Croise

2 Samuel 22:15

An da lightnings, jalike he shoot arrow! He make da peopo dat stay agains him run all ova da place. He make da lightning flash ova an ova, An da peopo donno wat fo do.

1 Kings 9:17

Dass why Solomon wen build Gezer one mo time.) An Solomon build Bet-Horon, da makai side one,

2 Records 14:12

Den Da One In Charge wack da Sudan guys in front Asa an da Judah guys. Da Sudan guys run away.

2 Records 25:13

Same time da Judah guys do dat, da Israel fighta guys dat Amaziah wen sen back so dey no can go wit him fo fight, dey go afta da Judah towns from Samaria to Bet-Horon. Dey kill three tousan peopo, an carry away plenny stuffs.

Songs 18:14

He sen da lightning jalike he shoot arrows, He make da peopo dat stay agains him Run all ova da place. He make da arrows flash plenny times wit lightning, So da peopo donno wat fo do.

Songs 44:3

Oua ancesta guys Wen take ova dis land, But no was cuz dey good wit swords O mo strong. Da main ting dat wen help dem fo win, Was cuz you stay strong. Cuz you like dem, An you like do good tings fo dem.

Songs 68:14

Dass wat wen happen, da time Da God Dat Get All Da Powa Wen make all da kings run away. Dat time, get stuff all ova da groun, Jalike wen snow come down On top da Black Mountain.

Songs 78:55

He make da odda peopos Run away from his peopo. He make one plan an measure Da property fo da Israel ohanas Fo dem live wea da odda peopos Wen stay befo time.

Isaiah 28:21

Da One In Charge goin start fo do tings fo you guys, Jalike da time da Israel peopo wen fight da Filisha guys, Mount Perazim side. Da One In Charge Goin come real huhu an bus up peopo, Jalike da time dey wen fight da Amor peopo, Gibeon Valley. He goin do watevas he like do, No matta wat he stay do Goin make da peopo drop dea jaws, No matta nobody wen see him make lidat befo time.

Isaiah 30:30

Da One In Charge Goin make peopo hear his awesome voice, An show his strong arm come down Wit plenny powa. Cuz he stay huhu, Jalike da fire dat stay burn up eryting, An da strong wind, rain, An hail dat fall down From da sky jalike rocks.

Jeremiah 34:7

He tell Zedekiah all dat, same time Nebukadnezzar, da Babylon king, an his army guys stay fight Jerusalem an da odda big towns inside Judah. Ony Lakish an Azekah, da Judah towns dat get strong wall, still stay stan, an Nebukadnezzar no win ova dem yet.

Zekariah 14:3

Den Da One In Charge goin go out fight dose peopos jalike he wen fight befo time.

Rules Secon Time 7:23

But oua God, Da One In Charge, goin bring dem to you guys fo take um ova. He goin make um come all jam up dey donno wat dey stay do, till dey all come wipe out.

Joshua 10:11

Wen dey stay running away from da Israel guys on top da road dat go down from Bet-Horon to Azekah, Da One In Charge make big kine hail stone come down on top dem from da sky. Mo plenny Amor guys wen mahke from da hail den from da Israel guys swords.

Joshua 10:28

Dat day, Joshua dem take ova Makkedah town. Dey kill da Makkedah king an erybody inside dea wit swords, jalike az one sacrifice fo Da One In Charge. No mo nobody stay alive ova dea. Joshua dem do to da Makkedah king jalike dey wen do to da Jericho king.

Joshua 10:9

So dey march all nite from Gilgal. Dass how Joshua guys go by da Amor guys, wen da Amor guys donno dey dea.

Joshua 11:8

Da One In Charge make da Israel guys win ova dem. Da Israel guys wack dem an chase dem all da way to Sidon an da land aroun dea, to Misrefot Mayim, an to Mizpah Valley east side, till no mo nobody stay alive.

Joshua 12:16

da king fo Makkedah, da king fo Bethel,

Joshua 15:35

Jarmut, Adullam, Sokoh, Azekah,

Joshua 15:41

Gederot, Bet-Dagon, Naamah, an Makkedah. Dass sixteen towns an small towns aroun dem.

Joshua 16:3

Den da borda go west down by da land wea da Jaflet peopo live, den all da way Bet-Horon Makai town, den to Gezer town an end by da Mediterranean Sea.

Joshua 16:5

Dis da land fo small ohanas inside da Efraim ohana: da edge a dea land go from Atarot-Addar on da east side, up by Bet-Horon Mauka,

Joshua 21:22

Kibraim, an Bet-Horon, an dea grass fields, dass four towns.

Local Leadas 4:15

Wen Barak guys wack da Sisera guys wit swords, Da One In Charge make dem win ova Sisera an his war wagons an army guys. So Sisera get outa his war wagon, an run away.

Local Leadas 4:16

But Barak guys chase da war wagons an da army guys all da way to Haroshet-Haggoyim. All da Sisera army guys mahke from swords. No mo nobody stay alive.

Local Leadas 5:20

Was jalike da stars fight from da sky! From dea path, dey fight Sisera.

1 Samuel 13:18

Anodda bunch guys go west Bet-Horon side, an da odda bunch go up country by da edge a da land wea you look down an see da Zeboim Valley wit da boonies da odda side.

1 Samuel 17:1

Da Filisha guys tell dea army guys come togedda fo fight. Dey go Sokoh inside da Judah land, an make camp Efes Dammim side, wit Sokoh dis side an Azekah da odda side.