Joshua 1:2 - Hawaii Pidgin Bible

² “My helpa Moses mahke. So now, you an all da Israel peopo get ready fo cross da Jordan Riva, an go inside da land dat I stay ready fo give you guys.

Joshua 1:2 Iomraidhean Croise

Start 17:8

An one mo ting: right now, you guys ony stay make house dis Canaan land. But I goin give all dis land to you an da peopo dat goin come from you, foeva. An I goin be da God fo all dem too.”

Nehemiah 9:23

You give dem plenny kids, Jalike da plenny stars inside da sky. You wen bring dem inside da land. Az da same land Dat you wen tell dea ancesta guys fo take ova.

Job 1:8

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff.”

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Census 12:7

But az not how I talk wit my worka guy Moses. From all my peopo, he da ony one I know I can trus.

Rules Secon Time 3:28

But put Joshua in charge. Give him good kine words, an make him mo strong an solid, cuz he da one goin go da odda side a da Jordan Riva an all dese peopo goin follow him. An he da one goin help dem take ova da land you goin see.’

Rules Secon Time 31:7

Den Moses tell Joshua fo come by him. He tell um in front all da Israel peopo, “Come strong an no lose fight, cuz you goin go wit dis peopo inside da land dat Da One In Charge make one spesho promise to oua ancesta guys dat he goin give dem da land. You da one goin tell da ohana wat land goin come dea property.

Rules Secon Time 34:5

Den Moses, da guy dat work fo Da One In Charge, he mahke ova dea Moab side, jalike Da One In Charge wen tell him.

Joshua 1:1

Joshua, Nun boy, was Moses helpa, an Moses wen work fo Da One In Charge. Afta Moses mahke, Da One In Charge tell Joshua dis:

Joshua 1:11

“Go by all da tents an tell da peopo fo do dis: ‘Get yoa food an stuffs ready! Da day afta tomorra, you guys goin go da odda side a da Jordan Riva. You guys goin go ova dea, an take ova da land dat oua God, dass Da One In Charge a us, stay give you guys fo make um yoa property.’ ”