Joshua 1:14 - Hawaii Pidgin Bible

¹⁴ Yoa wifes, yoa kids, an yoa animals goin stay inside da land Moses wen give you guys on dis side a da Jordan Riva. But all you guys dat can fight, you goin go across da riva wit all yoa stuffs fo fight. Dey goin go across firs, befo yoa braddah guys fo you guys help dem.

Joshua 1:14 Iomraidhean Croise

Outa Egypt 13:18

Dass why God make da peopo go da odda way, thru da boonies by da Red Sea. Wen da Israel peopo go outa da Egypt land, dea leada guys make ery fifty guys go togedda erytime, so dey jalike one big army ready fo fight.

Census 32:26

Oua kids an wifes, oua sheeps, goats, an cows, all goin stay ova hea inside da Gilead towns.

Rules Secon Time 20:8

Den da army leadas goin tell da army guys dis too, “Anybody hea dat stay lose fight an donno how fo make up his mind, he can go home, cuz bumbye his braddah guys goin lose fight jalike him.”

Rules Secon Time 3:19

But yoa wifes, yoa kids, an all da animals you get, can stay inside da towns I wen give you guys ova hea. (I know you guys get plenny animals.)

Rules Secon Time 33:21

Da time da leada guys fo all da peopo come togedda, Dey keep da bestes land fo you Gad guys, Cuz you da real leadas. You Gad peopo make diffren kine To da good peopo an da bad peopo, Da way Da One In Charge like do, Da Judge fo da Israel peopo.”

Joshua 1:13

“No foget wat Moses, da guy dat work fo Da One In Charge, wen tell you guys. He tell, ‘Yoa God Da One In Charge goin let you guys res afta you come back. He give you guys da land dis side.’

Joshua 1:15

An you guys goin help yoa braddah guys till Da One In Charge let dem res, jalike he do awready fo you guys. Yoa braddahs goin take ova da land dat yoa God, Da One In Charge, wen give dem. Den you guys goin go back da land dis east side a da Jordan Riva. Dass wea Moses, da guy dat work fo Da One In Charge, tell you guys goin take um ova.”

Joshua 4:12

Da guys from da Reuben ohana, da Gad ohana, an half da Manasseh ohana go across too, ready fo fight. Dey go in front all da peopo right afta da pries guys, jalike Moses wen tell um fo do.

Jesus Show 17:4

Da wahine wea purple an red clotheses, an get all kine gold dat shine, an fancy kine jewelry an pearls. She get one gold wine cup in her hand. Dat cup jalike fo show da pilau kine stuff she stay do, an fo show how she ack jalike one hoa.