Jonah 2:6 - Hawaii Pidgin Bible

⁶ I go down to wea da mountains stan, On top da ocean bottom. Jalike I go down to da Mahke Peopo Place, Dat get one lock fo keep me inside, An I no can go outside, eva! But you, you da God I pray to, Da One In Charge! You wen bring me up outa da grave, An I alive still yet!

Jonah 2:6 Iomraidhean Croise

Job 33:24

Da messenja stay dea fo give chance to da sick guy, an tell God, ‘Okay fo let um go! No need fo him go down inside da Deep Dark Hole! I wen find da way fo get him outa trouble.’

Job 33:28

God wen pay da price, So I no need go inside da Deep Dark Hole! An I goin stay alive fo see da light!’

Songs 104:6

You wen wrap da deep ocean Aroun da world Jalike you cova um up wit one blanket. Even da watta wen stay Ova da mountains.

Songs 104:8

Den da mountains come up An da valleys go down Eryting go da place You wen make fo dem.

Songs 116:3

Befo time I feel litto mo I goin mahke, Jalike get tight ropes Stay wrap aroun me. I wen feel jalike da Mahke Peopo Place Come on top me awready. I wen had it, cuz plenny trouble Come to me. An me, I stay sad inside.

Songs 143:7

Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Songs 16:10

Cuz you no goin leave me Inside da Mahke Peopo Place. I stay tight wit you, Az why you no goin make me know How stay, inside da grave.

Songs 18:5

Jalike I all tie up wit ropes Fo pull me inside da Mahke Peopo Place. Jalike get trap wea I goin step Fo kill me.

Songs 30:3

Eh! You Da One In Charge! Wen I litto mo mahke, You wen bring me back alive. You wen make me live, Fo me no go down inside da grave Wea da mahke peopo go.

Songs 30:9

“Eh Boss! How dat goin help you If you kill me? How dat goin help If I go down inside my grave? How da dirt down dea inside da grave, Goin tell peopo fo trus you, aah?”

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Songs 65:6

You da one make da mountains Stay wea dey stay, cuz you strong. Wen you make ready fo fight, You get plenny powa.

Songs 69:2

Jalike I go deep down inside da mud An no mo place Fo me stan up down dea! Jalike I stay inside one stream Full a watta An da watta go up An cova my head!

Isaiah 38:10

Me, dis how I wen figga: “Dis da bestes time a my life, An now I gotta go inside da gate Fo da Mahke Peopo Place, o wat?! Az fo real, o wat, dat God set me up Fo take away da life I get fo live ova hea?!”

Isaiah 38:17

Fo shua, if I neva suffa plenny, Notting come good fo me afta. You get plenny love an aloha fo me. Az why you neva let me go Inside da Deep Dark Hole, an mahke. You wen take all da bad kine stuff I wen do, An put um behind yoa back.

Isaiah 40:12

“Da One In Charge, he da One Put all da ocean watta inside his hand Fo tell how plenny get. Wit his open hand he check out da sky Fo tell how wide dat. He put all da dirt inside da world inside one box Fo tell how plenny get. He put all da mountains an hills on top da scale Fo tell how heavy dem.

Ezekiel 26:20

Den I goin bring you down wit da odda peopo dat go down inside da Deep Dark Hole, wea da peopo dat live long time befo time stay now. I goin make you guys live down inside da earth, in da mos low place, wea eryting all bus up, wit da peopo dat go down inside da Deep Dark Hole. You no goin come back fo live one mo time an get respeck wit da peopo dat stay alive.

Ezekiel 31:14

Az why no goin get anodda tree dat drink plenny watta grow real tall lidat, above da odda trees dat get plenny leaf. Da ones dat drink plenny watta fo come tall, dey all goin mahke an go down inside da groun, wit da odda peopo dat mahke an go down inside da Deep Dark Hole.

Habakkuk 3:10

Wen da mountains see you do dat, dey shake. Da rain storm make big watta go thru da gulches. Da deep ocean make big noise, An make da waves go real high.

Habakkuk 3:6

Wen he stop, da earth shake. Wen he look da peopos, dey come sked an shaking. Da mountains dat stay from befo time come broke up. Da ol hills fall down. He do wat he do foeva.

Matthew 16:18

I tell you, yoa name Peter, an dat mean ‘rock.’ On top dis rock I goin make my church. Da powa dat come from Hell fo kill peopo no goin win ova my church guys.

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.