Jonah 1:3 - Hawaii Pidgin Bible

³ But Jonah, he no lissen. He go da odda way fo dig out from Da One In Charge fo go Tarshish side (dass Spain, you know). He go down Joppa boat harbor an find one big boat dat goin go Tarshish. He pay da money fo go, an he go on top da boat fo go Tarshish wit da saila guys. He figga he can go far away from Da One In Charge.

Jonah 1:3 Iomraidhean Croise

Start 3:8

Dat day, wen da sun goin go down an da wind start fo blow, da guy an his wife hear one noise. Was God, Da One In Charge! He stay walk aroun inside da place wea he plant da trees. Dey go hide behind da trees inside dea fo God, Da One In Charge, no see um.

Start 4:16

Den Cain go way from da place wea Da One In Charge stay. He go da land dey call “Da Homeless Land” fo live ova dea, from Eden to da east.

1 Kings 19:3

Elijah come sked. He no wase time, he run away quick from dea, fo him no mahke. Wen he reach Beer-Sheba, Judah side, he tell da guy dat work fo him fo stay dea.

1 Kings 19:9

Wen Elijah reach Mount Sinai, he go inside da cave dat get dea, an stay all nite. Den Da One In Charge give him one spesho message. He tell, “Elijah! How come you stay hea?!”

2 Records 2:15

“Now sen to us guys dat work fo you, da wheat, barley, olive oil, an wine dat you wen talk bout.

2 Records 2:16

Den us guys goin cut all da wood from Lebanon dat you need, an we goin tie um up fo make rafs an bring um by you guys Joppa side by sea. Den you can bring um up Jerusalem side.”

2 Records 9:21

King Solomon get plenny Tarshish kine boats dat go fo trade, an da saila guys was Hiram guys. One time ery three year dey come back. Dey bring gold, silva, ivory, apes, an baboons.

Ezra 3:7

Den da peopo hire stone worka guys an carpinta guys. Dey buy plenny cedar tree from da Tyre an Sidon peopo, an pay um wit food, wine, an olive oil. Da guys dat cut da tree bring um down from da Lebanon mountain an float um nea da shore inside da Mediterranean Sea, all da way to Joppa town, cuz King Cyrus awready tell um az okay fo do dat.

Job 1:12

Da One In Charge tell Da One Dat Stay Agains God, “Kay den. I give you da powa ova eryting Job get. Ony one ting—no hurt Job!” Den Da One Dat Stay Agains God go out from in front Da One In Charge.

Job 2:7

So Da One Dat Stay Agains God go out from in front Da One In Charge. He give Job boils dat hurt real bad from da bottom a his feets to da top a his head.

Songs 107:23

Some a dem wen go Inside da ocean in big boats. Dey get jobs on top da watta Dat take um all ova da world.

Isaiah 2:16

If peopo tink dey strong jalike da big boats dat go Spain, Da nice looking boats, Da One In Charge can sink um.

Isaiah 23:1

Me, Isaiah, I get heavy kine stuff fo tell bout wat I see goin happen to da Tyre peopo: All you guys inside da boats dat go Spain side, Cry an yell cuz you stay sad inside. You guys no mo house now, No mo place fo da boats fo go in. Wen da boats come back from Spain An stop Cyprus Islan, Den somebody tell dem Dat Tyre town stay all bus up awready.

Isaiah 23:10

You Tyre peopo dat live Spain side now, Okay fo you go from one end a yoa land to da odda end, Jalike da Nile Riva go all ova Egypt, From one end to da odda end, Cuz no mo notting make you stay one place no moa.

Isaiah 23:6

Run away da odda side a da sea, to Spain! Cry an yell cuz you stay sad inside, You peopo from da islan dat still stay dea!

Isaiah 60:9

Dey big boats wit sail, Cuz me, Da One In Charge, I da One Da peopo in da far islans stay wait fo. Da big boats from Spain come firs Fo bring yoa boys from one far away place Wit da silva an gold dey get. Dey come, cuz dey know Wat kine god me, yoa God, Da One In Charge, Da Good An Spesho God fo da Israel peopo, An I da One make you guys come awesome.

Jeremiah 10:9

Dey bring thin kine silva from Tarshish in Spain, An gold from Ufaz. Da guys dat know how fo make idol kine gods An put gold on top um, An put blue an purple clotheses on top um too.

Ezekiel 2:8

But you, Fo Real Kine Guy, you lissen wat I tell you. No go agains me jalike how da Israel ohana wen go agains me. Now open yoa mout, an eat wat I goin give you.”

Ezekiel 27:12

“ ‘Da Tarshish peopo from Spain come by you guys fo make trade cuz you get plenny stuffs. Dey trade dea silva, iron, tin, an lead fo da stuffs you get fo sell.

Ezekiel 3:14

Den God Spirit lif me up, an take me away, an I come mad an all sore inside. An same time, Da One In Charge help me an make me mo strong.

Jonah 1:10

An I stay run away from him!” Wen da saila guys hear dat, dey come real sked. Dey tell Jonah, “Eh, why you do dat, aah?”

Jonah 4:2

Jonah pray to Da One In Charge lidis: “Bummahs! You Da One In Charge! You know, all dis happen jalike I wen tell wen I stay my country! Dass why I wen run away fas fo go Tarshish side, you know. Fo shua you da kine God dat like do good tings fo peopo an show pity fo dem. Take long time befo you come huhu. You stay tight wit yoa peopo long time an give um chance. Dass why you change yoa mind an no punish da bad kine stuff peopo do.

Luke 9:62

Jesus tell, “Da guy dat stay plow da field, no good he look back fo see how he wen plow cuz goin come kapakahi how he plow. Dat kine guy no good fo work fo God da King.”

Jesus Guys 15:38

But Paul no like take um, cuz John Mark wen go way from dem befo time in Pamfylia, an neva work wit dem from dat time.

Jesus Guys 26:19

“So den, King Agrippa, I wen do wat God tell me fo do.

Jesus Guys 9:36

Had one wahine Tabita inside Joppa town dat trus Jesus. (Dorcas her name in da Greek language. Dat mean “one deer.”) All da time she do good tings an help da pooa peopo.

Jesus Guys 9:38

Lydda town stay nea Joppa. Wen da guys dat stay tight wit Jesus hear dat Peter stay Lydda side, dey sen two guys by him fo beg um, “Try come now!”

Jesus Guys 9:42

All da peopo Joppa side hear bout dat, an plenny peopo trus da Good Stuff bout Da One In Charge.

Jesus Guys 9:43

Peter stay Joppa side long time inside Simon house. He one guy dat make stuff wit ledda.

1 Corint 9:16

Jus cuz I stay tell peopo da Good Kine Stuff From God, dat no mean I can talk big bout me. I gotta tell um bout God. Real sad if I no tell peopo da Good Kine Stuff From God!

2 Tessalonika 1:9

God goin punish dem, an wipe dem out to da max foeva. No way dey goin stay wit Da One In Charge. No way dey eva goin see da awesome kine tings he get da powa fo do.

Joshua 19:46

Me-Jarkon, Rakkon, facing Joppa.