Joel 3:7 - Hawaii Pidgin Bible

⁷ “Look, I goin bring dem outa da place wea dey stay cuz you guys wen sell dem. An I goin pay you guys back fo wat you guys wen do to dem.

Joel 3:7 Iomraidhean Croise

Esther 7:10

So dey poke thru Haman body da long sharp pole dat he wen make fo poke um thru Mordecai body. Den da king no stay huhu no moa.

Isaiah 11:12

He goin hold up one flag so all da peopos know wea fo come. He goin bring togedda all da peopo Dat da odda kings wen throw outa da Israel land, An da Judah guys from far place all ova da world.

Isaiah 49:12

Look! Da peopo goin come from far places. Some a dem come from da north, Some from da west, Some from da south side a Egypt.

Isaiah 66:6

Lissen up! Get plenny noise from da town, An from da Temple. Az da noise Da One In Charge stay make Wen he pay back da guys dat stay agains him!

Jeremiah 23:8

but dey goin tell, ‘Fo shua, Da One In Charge wen bring da Israel peopo outa da north land an all da lands wea he wen sen dem, an he stay alive!’ An dey goin live inside dea land.”

Jeremiah 30:10

“So no sked, you peopo dat come from Jacob dat work fo me. No come bum out, you Israel peopo!” Az wat Da One In Charge tell. “Cuz I da One goin get you outa trouble in da far place, I goin take da peopo dat goin come from you Outa da land wea dey stay prisonas. Jalike befo time, no mo notting goin bodda da ones dat come from Jacob. No mo nobody goin make dem come sked no moa.

Jeremiah 30:16

Still yet, erybody dat wipe you out, I goin wipe dem out too. Erybody dat stay agains you, Dey all goin come prisonas an go one far place. Erybody dat steal stuffs from you, I goin steal dea stuffs too.

Jeremiah 31:8

Da One In Charge tell dis too: “Look! I goin bring my peopo thru da north land. I goin bring um togedda from da mos far places on top da earth. Some a dem goin be peopo dat no can see, an peopo dat no can walk good, Da hapai wahines, an da wahines dat start fo born dea kid awready, all togedda. Plenny peopo goin come back.

Jeremiah 32:37

‘You know wat?! I wen scatta da Israel peopo all ova da diffren lands cuz I real mad at dem! But fo shua bumbye I goin bring dem back togedda an let dem live ova hea, fo dem no need worry bout notting.

Ezekiel 36:24

I goin take you guys outa da odda nations an bring you guys togedda from all da odda lands. I goin bring you guys back inside yoa land.

Ezekiel 38:8

Long time goin be befo somebody call you fo fight. Bumbye you goin take yoa armies fo go afta da peopo inside da Israel land wea da peopo get war befo time, an den now come good one mo time. Da Israel peopo goin bring back dea peopo from diffren lands, an bring um inside da mountains inside Israel, dat was wasted fo long time. God wen bring dose peopo outa diffren lands, an now dey all goin live dea an stay safe.

Joel 3:4

“You Tyre an Sidon peopo, an all you Filisha districks, how come you guys stay agains me Da One In Charge? You guys figga you stay pay me back cuz a someting I wen do, o wat?! Cuz if you guys stay pay me back, I goin turn aroun right den an dea, an pay you guys back an make you come shame fo all da tings you guys wen do.

Zekariah 9:13

I goin bend da Judah peopo jalike I bend one bow. An make da Efraim peopo jalike da arrows. I goin make you guys jalike one sword fo fight. I goin bring yoa Zion boys Agains da Greek boys.

Matthew 7:2

Da way you guys judge da odda guys, dass how God goin judge you guys too. An da rules you guys use fo judge, he goin use da same rules fo judge you guys too.

2 Tessalonika 1:6

God goin do da right ting, you know. Da peopo dat make you guys suffa now, God goin make dem suffa bumbye.

James 2:13

Da guy dat make jalike one judge fo da odda peopo, an no give um chance, dat guy no goin get chance wen he stan in front God da Judge. But wen you give da odda guy chance, den no need fo God judge you, an dass mo betta.

Jesus Show 13:10

Whoeva suppose to go prison, Dey goin go prison! Whoeva suppose to get kill wit sword, Dey goin get kill wit sword!” So dass why, God spesho peopo, dey gotta hang in dea an lissen God an trus him!

Jesus Show 16:6

Cuz dey wen kill da guys dat talk fo you, An yoa odda spesho peopo. Dey make yoa peopo bleed an mahke. Az why you give dose peopo dat stay agains you Blood fo dem drink too, Cuz az wat dey get cuz dey kill yoa peopo.”

Jesus Show 19:2

God, he da Judge. He ony tell da trut, An do wass right! He wen punish da big hoa Cuz she wen make da peopo inside da world Do real bad kine stuff, jalike her. He wen punish her Cuz she wen kill da peopo dat work fo God.”

Local Leadas 1:7

Den Adoni-Bezek tell dem, “Get seventy king guys, I wen win ova dem. I wen cut off dea thumbs an big toes. I make um pick up da crumbs from unda my table. Wat I wen do to dem guys, God pay me back same ting!” Da Judah guys take him Jerusalem side, an he mahke ova dea.

1 Samuel 15:33

But Samuel tell, “Jalike you wen use yoa sword so dat da wahines no mo dea kids, Now, yoa muddah goin come one a da wahines dat no mo kids.” So Samuel wack Agag wit his sword an chop um up, right dea in front Da One In Charge, Gilgal side.