Joel 3:16 - Hawaii Pidgin Bible

¹⁶ Da One In Charge goin make one big noise From his temple on top Mount Zion. His voice goin soun real loud from Jerusalem. Da earth an da sky goin shake. But Da One In Charge goin be jalike one place fo hide fo his peopo, Jalike one strong place wea da Israel peopo can hide.

Joel 3:16 Iomraidhean Croise

Songs 18:2

Da One In Charge, he make shua notting bad happen to me, Jalike he one solid rock mountain an one strong wall. He jalike one big solid rock, Fo me go by him fo hide me. He real strong, Jalike he one shield dat no let nobody touch me. He jalike one big wall.

Songs 29:11

Da One In Charge, he make his peopo strong! Da One In Charge, he do good tings fo his peopo An make eryting come good fo dem!

Songs 61:3

Cuz you da one take kea a me Fo me no get hurt. You jalike one strong fort, So dat da guys dat stay agains me No can wack me.

Smart Guys 18:10

Wen da peopo dat stay do wass right Know fo shua, wat kine god Da One In Charge, Den Da One In Charge goin take kea dem. Jalike Da One In Charge one strong towa fo dem Wea dey can run inside fo hide.

Isaiah 33:16

Dey da peopo goin live up high in da mountains Wea nobody can hurt dem, Cuz get strong wall an high cliff ova dea, An dey get plenny food an watta.”

Isaiah 33:21

Right dea inside Jerusalem town, Da One In Charge goin be da One dat stay awesome Da way he goin help us guys. He goin make Jerusalem strong, Jalike some big towns Dat get wide rivas an streams aroun um Too strong even fo awesome navy kine boats Go inside an go across fo attack.

Isaiah 42:13

Da One In Charge, he goin out fo fight Jalike one strong army guy. Jalike one army guy he stay ready fo fight, An he yell. He stay huhu, an he yell fo start fo fight Da guys dat stay agains him, An he goin be da winna ova dem!

Isaiah 51:16

I wen tell you wat fo tell. I cova you wit da shadow from my hand. I put da sky up dea wea stay. I put down da foundation fo da earth. I tell da Mount Zion peopo, ‘You guys, my peopo.’ ”

Jeremiah 16:19

Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’

Jeremiah 17:17

No make me come sked a you! You jalike my city a refuge wen bad kine tings happen.

Ezekiel 38:19

I goin go all out fo show dat I supa mad. An I promise fo do dis: Dat time, goin get one big earthquake inside da Israel land!

Hosea 11:10

“Bumbye da Israel peopo goin come follow me, Da One In Charge. I goin make one loud noise jalike one lion. Wen I make dat loud noise, My peopo goin come from da islans on da west side, sked an shaking!

Amos 1:2

Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”

Amos 3:8

Wen da lion make big noise, you betta come sked! Wen Da One In Charge a us guys dat talk fo him tell someting, Us guys betta talk fo him!

Nahum 1:7

Da One In Charge, he good! He jalike one place fo hide wen get trouble. He take kea da peopo dat trus him.

Haggai 2:6

“Dis wat me Da One In Charge, Da God Ova All Da Armies, tell: ‘Pretty soon, one mo time I goin shake da sky an da earth, da ocean an da dry land.

Haggai 2:7

I goin shake up all da diffren nations. Da rich kine stuffs from all da nations goin come hea. An I goin make dis Temple come real awesome. Az wat me Da One In Charge, Da God Ova All Da Armies, tell.

Zekariah 10:12

I goin make dem come strong army guys, Cuz me Da One In Charge, an I strong. Wen dey march, dey goin use my name.” Az wat Da One In Charge tell.

Zekariah 10:6

“I goin make da Judah ohana come strong. I goin get da Joseph ohana outa trouble. I goin bring dem back Cuz I get love an pity fo dem. Dey goin come jalike I neva leave dem. Cuz me Da One In Charge dea God, An I goin help dem wen dey pray to me.

Zekariah 9:12

Go come back by yoa strong wall, you prisona guys, Da ones dat stay wait fo me do someting. Even now I tell you guys Dat I goin give you guys back Two good tings fo ery bad ting Dat wen happen to you.

Hebrews 12:26

Dat time was God voice dat make da earth shake. But now, he make one promise. He tell, “One mo time I goin make da earth shake, an I goin make da sky shake too.”

Jesus Show 11:13

Right den an dea da earth start fo shake real hard. An ten percent a da Big Town come wipe out, an seven tousan peopo mahke. Da res a da peopo was real sked, an dey tell dat God dat stay inside da sky, he awesome.

Jesus Show 11:19

Den God temple inside da sky come open fo see da Box Fo No Foget Da Deal dat get da Ten Main Rules inside. Den had lightning, an noise, an loud thunda. Da earth shake, an get big hail come down.

Jesus Show 16:18

Den get big lightning, plenny noise, big thunda, an da earth stay shake real hard—neva had dat kine big shaking befo, wen peopo stay on top da earth, till now.

1 Samuel 15:29

An da God fo da Israel peopo, dat stay awesome foeva, he no bulai nobody. He not one guy jalike us dat tell he goin do someting, an den he no do um.”