Joel 3:11 - Hawaii Pidgin Bible

¹¹ All you guys from da odda nations, Come now real fas fo help each odda! Go come togedda from all aroun dea To da Jehoshafat Valley. Da One In Charge, bring down yoa strong guys fo fight!

Joel 3:11 Iomraidhean Croise

Songs 103:20

All you angel messenja guys Dat work fo Da One In Charge, Tell how Da One In Charge da One Dat make you come Wat he like you fo come! Da One In Charge wen make you guys, An make you real strong, An you guys lissen him An go do eryting he tell you fo do.

Isaiah 10:34

He goin chop down da Assyria guys, Jalike wen somebody cut inside da fores wit one ax, Jalike wen da awesome big trees inside Lebanon fall down.

Isaiah 13:3

God wen awready tell da army guys Dat goin do dis spesho job fo him, ‘Come! Go punish da peopo I stay huhu wit! My guys goin feel real good Wen I win dis war!’

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Joel 3:2

I goin bring all da nations togedda Inside da Jehoshafat Valley. I goin come fo judge dem ova dea, An punish dem fo how Dey wen make any kine to my Israel peopo, Cuz da Israel peopo my property. Cuz dose nations wen scatta my peopo all ova wea da odda peopos live. Dey wen split up my land.

Micah 4:12

But da Jerusalem guys donno wat Da One In Charge plan fo do. Dey no can tink why he bring dem ova dea fo punish dem, Goin be jalike wen da farma guys harves da wheat An bring um one place Fo go drag one heavy board wit plenny spikes ova dem Fo clean out da junks from da wheat.

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

2 Tessalonika 1:7

An God goin take away da presha, an same ting fo us guys too. All dat goin happen bumbye, wen God let peopo see Da One In Charge, Jesus, stay coming from up dea inside da sky wit his angel guys dat get plenny powa.

Jesus Show 19:14

All da army guys inside da sky stay go wit him. Dey stay ride on top white horses, an dey wear da fancy linen kine clotheses dat stay white an clean.