Joel 1:8 - Hawaii Pidgin Bible

⁸ Cry cuz you stay sad inside, Jalike one bride, Dat gotta put on burmbag clotheses Fo show she stay sad inside, Cuz da guy she goin marry, he mahke.

Joel 1:8 Iomraidhean Croise

Smart Guys 2:17

Dat kine wahine, she wen go dump Da husban she had trus wen she was young, An she no like tink bout Da deal her an da husban wen make in front her God.

Isaiah 22:12

My boss, Da One In Charge, Da God Ova All Da Armies, He goin call you dat time Fo cry an stay sad inside, Fo pull out yoa hair, An put on burmbag kine clotheses, Fo show you stay sad inside.

Isaiah 32:11

Shake an come sked You wahines dat no give a rip bout notting. Shake an come sked You daughtahs dat stay shua notting goin hurt you. Take off yoa clotheses An put burmbag cloth aroun yoa wais Fo show you stay sad an crying.

Jeremiah 3:4

Even now, you guys no mo shame Fo call me fo help. You tell, ‘Eh my faddah, You my fren from small kid time!

Sad Song 1:4

Da roads dat go Mount Zion, jalike dey stay sad, Cuz no mo nobody go da spesho religious ceremonies. All da town gates, no mo nobody dea. Da pries guys moan. Da young wahines stay sad, Jalike Mount Zion stay suffa plenny.

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Malakai 2:15

Fo shua God wen make you an yoa wife one?! He da One dat own you guys body an spirit. An you know why Da One In Charge wen make you one? So wen you get kids, dey stay all out fo God! Az why you guys take kea fo stay okay inside, an no bulai da wife you wen marry wen you was young.

James 5:1

Eh! You rich peopo! Lissen! Mo betta you cry plenny now, an feel sad! Cuz bumbye, you goin suffa plenny fo shua.