Joel 1:4 - Hawaii Pidgin Bible

⁴ Ova an ova, da locust kine grasshoppas come, An eat up eryting!

Joel 1:4 Iomraidhean Croise

1 Kings 8:37

“Bumbye, no goin get food inside da land, O get real bad kine sick, O da plants come sick, O da mold make da food pilau, O da grasshoppa an da caterpilla Eat up all da food Befo da peopo can harves um, O da peopo dat stay agains yoa peopo Sen dea army guys agains yoa towns, O get odda kine sick.

2 Records 6:28

“Bumbye maybe no mo food. O maybe da peopo get one real bad kine sick, o da kine sick come dat make da plants come dry, o da mold, o da locust bugs o grasshoppas. O maybe da peopo dat stay agains dem put army guys aroun dea big towns, o odda kine bad ting happen to dem, o any kine sick.

2 Records 7:13

“Bumbye maybe I goin shut da sky so no mo rain. O maybe I tell da locust kine grasshoppas fo eat da plants all ova da land. O maybe I sen da bad kine sick fo hurt my peopo.

Songs 105:34

God tell fo da locust come, An dey come, an da grasshoppa too, Mo plenny den can count.

Songs 78:46

He wen let da grasshoppas go afta Da food da Egypt peopo wen grow, He wen let da locust bugs Eat up eryting da peopo wen work fo.

Outa Egypt 10:4

An if you still no like let my peopo go way, dis wat I goin do: Tomorra I goin bring plenny locust kine grasshoppas inside yoa land.

Outa Egypt 10:5

Da locust grasshoppas goin cova da groun fo no see da groun. Anyting you guys stay grow an da hail storm neva wipe um out, da locust goin eat um all up. Dey even goin eat up all da trees dat stay come up inside yoa fields.

Isaiah 33:4

Da Judah peopo goin grab All da stuffs dat you Assyria guys Wen rip off from odda peopo, Jalike wen da locust kine grasshoppa Come real quick an grab All da food from one field. Az how da peopo goin run All ova da place fo grab stuff, Jalike da locust kine grasshoppa inside da field.

Jeremiah 51:14

Da One In Charge, da God Ova All Da Armies, Wen make one strong promise. He da One goin make shua dat wat he tell goin happen, goin happen. He tell: ‘Fo shua, I goin fill up you Babylon guys town wit plenny army guys, Dat goin jump all ova you guys jalike wen get real plenny locust kine grasshoppas. Dey goin yell cuz dey win ova you guys.’

Jeremiah 51:27

“Put up one flag inside da Babylon land! Blow da sheep horn trumpet Fo tell da diffren peopos time fo attack! Make da peopos come spesho fo me Fo dem fight Babylon! Call dese peopos fo go agains Babylon: Ararat, Minni, an Ashkenaz. Pick one officer guy fo take charge agains Babylon. Sen plenny horses jalike az plenny locust kine grasshoppas.

Joel 2:25

I goin pay you guys fo all da years Wen da locust kine grasshoppa wen eat up eryting. Da young grasshoppas, da worm grasshoppas, An da caterpilla grasshoppas, I wen sen um jalike one big army agains you guys.

Amos 4:9

Da One In Charge tell: “I wen wack da farms you guys own An da fields wea you grow grape Fo da hot wind an da groun worms jam up eryting. Da locust kine grasshoppas wen eat up all da fig tree an olive tree dat you guys own. Still yet, you guys no like come back an be my guys!” Dass wat Da One In Charge tell.

Amos 7:1

Den Amos tell: “One time, Da One In Charge a me wen show me dis. Was jalike one dream: God, he stay pick up uku pile a grasshoppa, same time! Was da time afta da peopo cut da grass fo da king horses, an plant new grass. Da small grass jus start fo come up.

Malakai 3:11

I goin chase away da bugs so dey no eat wat you guys plant. Dey no goin wipe out da tings dat grow outa da groun. Da grapes no goin fall down from da grape plants befo dey ready. Me Da One In Charge, Da God Ova All Da Armies, an dass wat I tell.

Rules Secon Time 28:38

“You guys goin take plenny seeds fo plant inside yoa field, but you ony goin harves litto bit food cuz da locust kine grasshoppas goin eat um up.

Rules Secon Time 28:42

Plenny crickets goin take ova all yoa trees an eat da food from yoa land.