Joel 1:3 - Hawaii Pidgin Bible

³ Tell yoa kids bout dis, Fo dem tell dea kids, An tell dose kids fo tell dea kids, Fo dem tell odda generations afta dat!

Joel 1:3 Iomraidhean Croise

Songs 145:4

Eh! You Da One In Charge! Da peopo dat stay alive now, Dey goin tell dea kids good tings Bout all da stuffs you wen do, An afta dem, dea kids kids Goin tell dea kids too. Dey goin make um all know how strong you!

Songs 44:1

Eh God! Us guys wen hear da stories Dat oua ancesta guys wen tell Bout all da tings you wen do befo time. Dass was long time befo time Wen dey stay alive.

Songs 71:18

No matta I ol awready an get gray hair, God, no dump me, Till I pau tell da kids How strong you stay, An tell all da ones Dat goin born afta dem, Da kine powa you get.

Outa Egypt 13:14

“Bumbye, yoa boy goin aks you, ‘Eh Daddy! Wat all dis ting mean, fo buy um back fo make one sacrifice?’ “You goin tell um, ‘Cuz you know, my boy, Da One In Charge get plenny powa, an he wen use um dat time fo get all us guys outa Egypt cuz us was slaves ova dea.

Isaiah 38:19

Da peopo dat stay alive, Dey da ones tell dey know how awesome you, Jalike I stay do today. Da faddahs make shua dea kids know How you do wat you tell you goin do.

Rules Secon Time 6:7

Make dese da main ting you teach yoa kids. Talk bout um erytime, wen you guys stay inside yoa house, wen you walk on top da road, wen you lay down, an wen you wake up.