Joel 1:12 - Hawaii Pidgin Bible

¹² Da grape plant stay all dry. Da fig tree stay all any kine. Da pomagram tree, da date palm tree, da apple tree, All da trees in da field stay all dry. Fo shua da peopo no stay good inside Cuz dey all hamajang inside.

Joel 1:12 Iomraidhean Croise

Songs 4:7

You make me stay good inside wen you smile nice kine, Mo betta den peopo stay inside, Wen dea fields get plenny wheat an plenny grape.

Songs 92:12

Da peopo dat stay do wass right, Dey goin come up all ova da place Jalike da palm trees. Dey goin grow an come big Jalike da cedar trees Lebanon side.

Love Song 2:3

Yeah, an da guy dat love me, Wen he stay wit da odda young guys, He jalike one apple tree Dat grow wit da wild fores trees all aroun him. I feel real good wen I sit undaneat da shade from dat tree. Az real sweet jalike fruit, wen he make love to me!

Love Song 4:13

Yoa legs, jalike dey hide one park dat get plenny pomagram trees dea, An da bestes kine fruits, An henna flowas an nard perfume.

Isaiah 16:10

Nobody stay feel good inside Nobody dance an sing Inside da farms an fields, Cuz no mo grapes fo make wine. I make um so no mo party ova dea.

Isaiah 24:11

Da peopo stay yell on da street, Cuz no mo notting fo drink. Befo time dey dance an sing plenny, But all dat pau, Jalike wen da sun go down an eryting come dark. Eryting dat wen make da peopo dance an sing, Da army guys wen take um to dea country.

Isaiah 24:7

Da grape plant no grow nice, Da juice from da grape fo make wine, look funny kine. Da kine peopo dat like party an feel good, Dey stay moan.

Isaiah 9:3

God, you goin make da Israel peopo come mo plenny peopo. You goin make da peopo come real good inside. Dey goin dance an sing in front you, Jalike wen da peopo harves da food inside dea fields An dey stay good inside, An jalike wen da army guys steal rich stuffs from da guys dey wen fight, An give dea frenz some a da stuff, Dey all stay good inside.

Jeremiah 48:3

Lissen! Da peopo from Horonaim town stay yell! Dey yell cuz eryting all kapakahi, Eryting all bus up!

Jeremiah 48:33

No mo nobody get good fun O stay good inside, In da places wea get fruit trees Inside da Moab land. I no let nobody step da grapes An yell cuz dey stay good inside Fo make da wine. If you hear um stay yelling, Az not cuz dey stay good inside.

Joel 1:10

Wasted da fields, An poho da groun. Da wheat an barley stay all wasted. Da juice fo make wine all dry up. No good, da olive oil.

Joel 1:16

We can see dat da food stay cut off! Da peopo inside da Temple Fo Oua God no stay good inside.

Jonah 4:7

But da nex day, wen still yet litto bit dark jus befo da sun come up, God make one army worm go up da plant. Da army worm go afta da bush an make um come all poho.

Haggai 2:19

No mo seeds inside da place fo store seed, cuz you wen plant um awready. An you stay wait fo da grape vine, da fig tree, da pomagram tree, an da olive tree dat goin give fruit. “ ‘But from today I goin do good kine tings fo you guys.’ ”

Malakai 3:11

I goin chase away da bugs so dey no eat wat you guys plant. Dey no goin wipe out da tings dat grow outa da groun. Da grapes no goin fall down from da grape plants befo dey ready. Me Da One In Charge, Da God Ova All Da Armies, an dass wat I tell.

Census 13:23

Wen da guys dat wen go fo scope da place come by da Eshkol Stream, dey cut off one branch dat get one bunch grapes. Need two a dem fo carry da bunch on top one pole, wit some pomagrams an figs too.