Joel 1:10 - Hawaii Pidgin Bible

¹⁰ Wasted da fields, An poho da groun. Da wheat an barley stay all wasted. Da juice fo make wine all dry up. No good, da olive oil.

Joel 1:10 Iomraidhean Croise

Start 4:12

Wen you try fo work da groun, da groun no goin give you back notting good. You no goin get one place fo live. From now, you gotta jus go from one place inside dis world to anodda place!”

Isaiah 15:6

I stay cry cuz da watta from Nimrim Stay all dry up, An cuz da grass fo da animals stay come dry, No mo green tings dea.

Isaiah 24:11

Da peopo stay yell on da street, Cuz no mo notting fo drink. Befo time dey dance an sing plenny, But all dat pau, Jalike wen da sun go down an eryting come dark. Eryting dat wen make da peopo dance an sing, Da army guys wen take um to dea country.

Isaiah 24:7

Da grape plant no grow nice, Da juice from da grape fo make wine, look funny kine. Da kine peopo dat like party an feel good, Dey stay moan.

Jeremiah 12:11

Goin come one wasted place. Make me come sore inside wen I see dat empty land. Da whole land stay bus up Cuz no mo nobody kea bout um.

Jeremiah 12:4

“Da land stay coming all dry, An da grass inside ery field stay come wipe out, An da animals an birds go way awready. Cuz da peopo dat live inside dat land do bad kine stuff. How long moa, till you goin make dem stop?! An dose bad peopo stay tell, ‘God no give a rip wat happen to us guys!’ ”

Jeremiah 48:33

No mo nobody get good fun O stay good inside, In da places wea get fruit trees Inside da Moab land. I no let nobody step da grapes An yell cuz dey stay good inside Fo make da wine. If you hear um stay yelling, Az not cuz dey stay good inside.

Hosea 4:3

Cuz a dat, all da peopo stay sad inside. Eryting dat live inside da land goin come dry up— Da wild animals inside da boonies, Da birds inside da sky, An da fish inside da watta, dey all goin mahke.

Hosea 9:2

Now da wheat an da grapes no goin be enuff Fo give food fo da peopo. Da new wine no goin be wat dey need.

Joel 1:12

Da grape plant stay all dry. Da fig tree stay all any kine. Da pomagram tree, da date palm tree, da apple tree, All da trees in da field stay all dry. Fo shua da peopo no stay good inside Cuz dey all hamajang inside.

Joel 1:5

Wake up, you piloot guys, an cry! All you guys dat suck up da wine, cry loud! Cry bout da juice fo make da wine, Cuz da locus, dey no let da wine reach yoa mout!

Joel 2:19

Da One In Charge goin ansa his peopo lidis: “Lissen up! I goin sen wheat an barley, new wine, an olive oil fo you guys, Enuff fo you guys come full. I no goin let da odda peopos talk bad bout you guys no moa.

Prieses 26:20

You guys goin bus ass fo notting, cuz yoa land no goin grow notting, an da trees on top yoa land no goin give fruits.

Habakkuk 3:17

No matta da fig tree no mo bud, No matta da grape plant no mo grape, No matta da olive tree no mo olive, No matta da fields no mo food, No matta da sheeps Mahke inside da pens, No matta da pens no mo cows,

Haggai 1:11

I wen make da fields an da hills dry up. Same ting fo da wheat an barley, da new wine, da olive oil, an wateva kine food da groun give. Goin hurt da peopo an da animals. You guys goin bus ass, but no goin get notting!”

Malakai 2:3

Cuz a wat you guys do, I goin tell da ones dat come from you guys az wrong wat dey do. I goin take da doodoo from da guts a da animals dat you kill fo da spesho religious ceremonies an rub um all ova yoa face. Den da pries guys goin throw you guys out wit da opala from da sacrifices.