Jeremiah 9:3 - Hawaii Pidgin Bible

³ Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Jeremiah 9:3 Iomraidhean Croise

Start 39:16

Da wahine keep Joseph shirt. She wait till her husban come home.

Smart Guys 12:5

Wen da peopo dat do wass right make plan, Dey make shua, az not goin hurt nobody. Wen da bad kine peopo try tell you wass good fo you do, Dey ony trying fo trick you.

Isaiah 1:3

Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Isaiah 3:5

Da peopo goin give each odda hard time, Fren agains fren. Da young guys goin make any kine to da ol guys Jalike dey own dem an dey hate dem. Da guys dat erybody get respeck fo, Da no good guys goin bus um up.

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Isaiah 9:18

Cuz wen somebody do bad kine stuff, Az jalike wen get one big fire. All da thorns an da grass burn, An all da trees burn too, Wit plenny black smoke dat go up in da sky.

Jeremiah 12:6

Even yoa braddahs an yoa ohana peopo, Dey stab you in da back. Dey go all out fo talk bad bout you. But no trus dem, no matta dey talk nice to you.”

Jeremiah 22:16

He wen make shua da judge guys do da right ting Fo help da peopo dat no mo notting, an need stuff. Dass how come eryting come good fo him. Cuz wen you know me, Da One In Charge, fo real kine, az how you goin ack! Az wat Da One In Charge tell.

Jeremiah 31:34

One guy no need teach his fren O his braddah no moa, an tell um, ‘Know Da One In Charge.’ Cuz dey all goin know me, Da One In Charge, From da kine guys dass not importan, to da kine guys dass importan.” Az wat Da One In Charge tell. “Cuz I goin let um go fo da stuffs dey wen do wrong, An hemo dea shame fo all dat. I no goin even rememba da bad kine stuffs dey wen do.”

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 5:4

Me, Jeremiah, I figga lidis: ‘Dese guys, dey pooa, dey no mo notting. But dey stay stupid, Cuz dey donno how Da One In Charge like fo dem live. Dey donno wat dea God tell Bout wass right an wass wrong.

Jeremiah 5:5

Az why I goin go by da leada guys an talk to dem. Fo shua dose guys know how Da One In Charge like fo dem live An wat dea God tell Bout wass right an wass wrong. But all dem guys ack jalike cows An broke off God yoke An broke da rope dat tie dem wit him.

Jeremiah 6:28

Den I tell Da One In Charge: “All dem guys bag from you! Dey stay hard head, Jalike dea head bronze an iron metal. Ery place dey go, dey tell bad kine stuff bout you. All a dem guys make eryting come pilau!

Jeremiah 7:26

But yoa ancesta guys no lissen me o tink bout wat I tell. Dey hard head, an dey do mo plenny bad kine stuff den dea ancesta guys wen do.

Jeremiah 9:5

Ery fren bulai dea fren. No mo nobody tell da trut. Dey teach dea tongue fo bulai. Den dey come tired Cuz dey make eryting come hamajang.

Jeremiah 9:8

Wateva dey tell, az jalike one poison arrow Cuz dey bulai. Dey tell dea frenz, ‘I like eryting come good fo you,’ But inside, dey make plan fo jump um an kill um.

Ezekiel 8:13

An God tell dis too, “Nex time, you goin see um do even mo pilau kine stuff!”

Daniel 11:27

Den da two king guys goin sit down at da same table an eat togedda. But inside dem, dey stay plan fo do bad kine stuff to each odda. Dey goin bulai each odda. But dea plans no goin come out good fo dem, cuz still yet all dis goin come pau ony wen God tell az time fo come pau.

Prieses 19:11

“No go steal notting. No bulai nobody. No go cheat each odda.

Mark 8:38

“Da peopo nowdays in dis world, jalike dey stay fool aroun behind God back, an do all kine stuff dey not suppose to do. Anybody dat come shame a me an da tings I tell, kay den, wen I come back, I goin come shame a dem, cuz I da Fo Real Kine Guy. I goin come back wit my spesho angel guys, an I goin be awesome, jalike my Faddah awesome.”

John 17:3

Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Sen.

Jesus Guys 24:9

An da Jew guys poin finga Paul too, an tell dat all da stuff Tertullus tell, stay true.

Rome 1:16

I no shame notting bout da Good Kine Stuff From God. Dat stuff get plenny powa from God fo get peopo outa da bad kine stuff dey stay do, wen dey trus him. Was da Jew guys dat wen find out bout um firs, an afta dem, all da odda peopos from diffren places find out bout him too.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Rome 3:13

Dea mout real haunas jalike one open grave. Dey bulai wit dea mout. Da poison come from inside dea mout, Jalike one snake.

1 Corint 15:34

Wise up! Tink strait how you suppose to tink! No go do da bad kine stuff no moa! Cuz even get some peopo dat donno God, you know. I stay talk lidis fo make you guys come shame.

Philippi 1:28

No sked da peopo dat hate you. Wen dey see dat you guys no sked, dat goin show dem dat dey da guys dat goin come wipe out, not you guys. An dey goin know dat God da One dat goin get you outa dat.

2 Timoty 3:13

An da bad kine peopo, an da peopo dat bulai, dey goin ack mo an mo worse. Dey goin bulai peopo, but dey bulai ony dem!

Jude 1:3

My frenz, I like write you guys real bad fo tell you guys mo bout how God take all us guys outa da bad kine stuff. But now, I gotta write you guys dis: God wen pass down da stuff he like tell da peopo dat stay spesho fo him. He do dis ony one time, an goin be lidis foevas. An dass da stuff you guys wen trus. An you guys gotta proteck dis trut dat he wen trus you fo keep.

Jesus Show 12:11

Oua braddahs an sistahs wen win ova da bad kine stuff, Cuz dey trus God Bebe Sheep Guy. He wen bleed an mahke fo dem. An dey wen tell dat dey trus him. Dey not even sked fo give dea life fo mahke!

Local Leadas 14:17

She cry fo all da seven days wen dey make da luau. So da day numba seven he tell her wat da riddle mean, cuz she stay put presha on him. Den she tell her peopo wat da riddle mean.

Local Leadas 2:10

Afta all da peopo dat stay alive dat time mahke, dea kids grow up. But dey donno Da One In Charge, an donno wat he wen do fo da Israel peopo.

1 Samuel 2:12

Eli boys, cuz dey no mo respeck fo Da One In Charge, dey pilau kine guys an dey do bad kine stuff.