Jeremiah 4:10 - Hawaii Pidgin Bible

¹⁰ Wen I hear dat, I tell, “Eh! You dat stay in charge a me! Bummahs! Fo shua, you wen bulai dese peopo an da Jerusalem peopo good, wen you tell, ‘Eryting goin go good fo you guys!’ same time da odda army guys pull knife fo cut oua throat!”

Jeremiah 4:10 Iomraidhean Croise

Outa Egypt 5:22

Den Moses go back talk to Da One In Charge. Moses tell, “Eh, you Da One In Charge! How come you stay do dis ting fo hurt yoa peopo?! An how come you sen me fo go do um?!

Outa Egypt 9:14

Fo dis time, I goin make mo big kine trouble fo yoa body, fo you, fo yoa palace peopo, an fo yoa odda peopo. Cuz a all dis, you goin know dat in all da world, no mo nobody can do wat I can do.

Isaiah 30:10

Dey tell da guys dat can see Wass goin come bumbye, jalike one dream, ‘No see stuff wen you dream!’ Dey tell da guys dat talk fo God, ‘No tell us wat God tell Bout wat stay right! Tell us ony da kine stuff dat make us feel good inside. Tell us dat God tell all nice kine stuff, No matta az not true!

Isaiah 37:35

I goin do all dat fo me, An fo da promise I wen make to King David, my worka guy. I goin get da peopo hea outa trouble!”

Isaiah 63:17

Eh! You Da One In Charge! How come you let us guys Go wea we like go an bag from you?! How come you let us guys come hard head So we no mo respeck fo you?! Go come back by us, Cuz us yoa worka guys, Oua ohanas, dey yoa ohanas!

Jeremiah 1:6

Me, Jeremiah, tell, “You Da One In Charge, you da Boss. But fo shua, I donno how fo talk good! I ony one young guy, you know!”

Jeremiah 23:17

Ova an ova, dey tell da guys dat make deaf ear to me, ‘No worries! Da One In Charge tell, dat eryting goin stay okay fo you guys!’ Dey tell da guys dat stay hard head An make up dea mind fo do any kine, ‘No mo notting bad goin happen to you!’ ”

Jeremiah 32:17

“You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Jeremiah 4:18

“Da way you guys live An da kine tings you guys do Make all dese tings happen to you. Dis how I goin punish you guys: Goin be real sore, Jalike one sword dat stab yoa heart!”

Jeremiah 5:12

“Da peopo talk bout Da One In Charge jalike he not importan. Dey tell, ‘He no goin do notting! No mo notting bad goin happen to us guys! We no goin get kill wit swords o come hungry!

Jeremiah 6:14

Jalike my peopo all bus up an bleeding, But dem guys ony put small kine bandage, Cuz dey tink dey ony small kine hurt. Dey tell, ‘No worry, eryting stay okay!’ But no stay okay.

Jeremiah 8:11

Da peopo I get love an aloha fo Jalike dey stay all bus up! But da guys dat suppose to talk fo me an da pries guys, Dey ony put on top dem small kine bandage Cuz dey tink da peopo not importan. Dey tell, ‘Erything stay okay!’ But no mo notting stay okay!

Sad Song 2:21

“Da young guys an da ol guys, Dey all stay lay mahke inside da dirt on top da streets. My young guys an girls get kill wit swords. You wen kill dem wen you stay real huhu. You wen wipe um out an neva get pity fo dem.

Ezekiel 11:13

Right den an dea, da same time I stay talk fo God, Benaiah boy Pelatiah mahke. Den I go down an put my face on top da groun, an yell wit one loud voice, “Bummahs! You Da One In Charge, you da King! You goin wipe out all da Israel peopo dat still stay alive, o wat?”

Rome 1:24

Cuz how dey stay ack, God wen let um go an do wat dey like. He let um do all kine pilau kine stuff cuz dass how dey like do um inside. Dass why dey no shame how dey make any kine wit dea bodies wit odda peopo.

Rome 1:26

An dass why God let dem guys do all dat, an dey ony do wat dey like do. An so dey come all hot up, an no shame notting. Eh, you know, even da wahines go agains wass natural an do wass not natural.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.