James 3:18 - Hawaii Pidgin Bible

¹⁸ Get peopo dat stay cool head an stop all da trouble da odda guys make. Wat you figga dey goin get from all dat? Cuz a dose peopo, bumbye da odda guys goin do da right kine stuff dat God like. Da peopo dat stay cool head an stop all da trouble, dey jalike one farma guy. Firs, da farma guy plant da seeds, den bumbye, he get da food from da plants.

James 3:18 Iomraidhean Croise

Songs 92:14

Even afta dose peopo dat do wass right Come ol an get gray hair, Dey still strong, Jalike dey get plenny life inside dem An dey still stay growing.

Smart Guys 11:18

Da kine peopo dat do bad kine stuff, Wat dey get fo dat, ony make dem look good. Da kine peopo dat make tings come right, Wat dey get fo dat, stay good fo real kine.

Smart Guys 11:28

Da peopo dat tink dey no need worry Cuz dey get plenny stuff awready, Dey goin wipe out one time. But da peopo dat do da right ting erytime, Eryting goin come out good fo dem, Jalike da tree dat get plenny leaf.

Smart Guys 11:30

Da peopo dat erytime do da right ting, Dey help peopo live mo long time. Da peopo dat get odda peopo outa trouble So dey no goin mahke, Dey da kine peopo dat know wat fo do erytime.

Hosea 10:12

Do da right tings! Dass da kine seed you guys gotta plant fo ony you! An you stay tight wit me! Dass jalike da kine fruit you guys gotta pick! Broke up da hard dirt inside you dat you neva plow yet! Cuz stay time now fo come tight wit me, Da One In Charge, Till I come teach you guys how fo do wass right, Jalike da rain make da groun come sof fo good stuff grow.

Amos 6:12

Eh! You tink one horse can run fas ova one pali? You tink one farma guy can use cows fo plow da ocean watta? No ways can! Jalike wen somebody like judge da right way, Dey no can, cuz you guys jalike make shua how dey judge, come out bad jalike poison! Wen get somebody dat stay do da right ting, You guys make shua dey no can do da right ting, Cuz you guys make eryting come out jalike one bitta taste!

Matthew 5:9

“Da peopo dat help da odda peopo come frenz one mo time, Dey can stay good inside Cuz God goin tell, ‘Dey my kids.’

John 4:36

Da guy dat harves da crop an bring um inside da store house get pay fo dat. He jalike da guy dat help da peopo fo trus God. Den da guy dat tell um da Good Kine Stuff From God firs, an da guy dat help da peopo trus God, two a dem stay good inside togedda. Cuz da peopo dat trus God cuz a dem, get da real kine life dat goin stay to da max foeva!

Galatia 6:8

Cuz whoeva stay do da bad kine stuff dey like do, dey goin come wipe out cuz a da bad kine stuff dey do. But whoeva stay do wat God Spirit like um fo do, God Spirit goin give dem da real kine life dat goin stay to da max foeva!

Philippi 1:11

Den dey goin erytime do da right kine stuff, cuz Jesus Christ help um. Wen dat happen, erybody goin know how awesome you stay, God, an dey goin go all out fo tell all da good kine tings bout you!” Dass how I pray to God.

Hebrews 12:11

Erytime we get presha fo make us guys learn stuff, us guys come all sore inside, an we no like dat kine presha. But bumbye all dat presha goin make us come mo strong fo do da right ting, an den notting goin bodda us guys.

James 1:20

Cuz wen you come all huhu, dat no help you fo do da right kine stuff God tell you suppose to do.