Hosea 4:1 - Hawaii Pidgin Bible

¹ You Israel peopo, lissen wat Da One In Charge tell. Cuz he stay poin finga at da guys dat live inside da land. He tell: “No can trus dem guys! Cuz dey no stay tight wit me! No mo nobody inside da land know me, God!

Hosea 4:1 Iomraidhean Croise

1 Kings 22:19

Den Mikaiah tell some moa: “Az why you betta lissen dis ting wat Da One In Charge tell! “I wen see Da One In Charge. He stay sit on top his throne. All da armies inside da sky, Dey stan aroun him, on da right side an on da lef side.

Songs 81:9

You betta not pray to odda gods Dat not fo you, You betta not go down In front odda gods from odda places.

Isaiah 1:10

So, lissen wat Da One In Charge tell you guys, You leada guys dat ack jalike you from Sodom! Lissen wat oua God stay teach, You peopo dat ack jalike you from Gomorrah!

Isaiah 1:18

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 28:14

Cuz a dat, lissen wat Da One In Charge tell, You guys like laugh at God, You guys dat stay in charge a dis peopo inside Jerusalem!

Isaiah 34:1

Go come nea by me ova hea, you peopo Inside da diffren countries Fo lissen wat I tell. I like all da peopos all ova da world, An eryting dat stay hea An grow hea inside da world fo lissen.

Isaiah 34:8

All dat goin happen Cuz Da One In Charge get one time Dat he goin pay back da Edom peopo. He goin do um ova an ova fo one year. Cuz he goin make shua Da odda nations no goin take away da right Fo his peopo live inside Jerusalem town.

Isaiah 5:3

Da one I get love an aloha fo, he talk: “So den, you peopo dat live inside Jerusalem, An you guys from Judah, You guys tell me wass right an wass wrong Bout me an my grape field! (Dass da Israel peopo, you know.)

Isaiah 59:4

No mo nobody fo tell peopo Dey betta do da right ting. Wen peopo talk in front da judge, Nobody tell um da trut. Dey tink az good, Fo tell stuff dat no mean notting, An talk bout wase time kine stuff, An make trouble, An cuz a dat, bad kine stuff happen. Jalike one wahine come hapai, An cuz a dat, she born one bebe.

Isaiah 59:8

Dey donno how fo live wit aloha an no fight. Da way dey go, dey no mo judge Fo show um wass right. Dey pick da mos crooked way fo live. Anybody live dea way, Dey no goin find out how fo live wit aloha.

Isaiah 66:5

You guys dat stay sked an shaking wen Da One In Charge talk, Lissen wat he tell: “Da odda Israel guys dat hate you guys, Dey no let you guys stay wit dem Cuz you know wat kine god me. Dey make fun a you guys, an tell, ‘Good, you show respeck fo Da One In Charge! We like see you guys stay good inside!’ But dey da ones goin come shame!

Jeremiah 11:7

From da time I wen bring yoa ancesta guys outa Egypt till today, I tell dem serious kine ova an ova, “You guys betta lissen wat I stay tell, an do um!”

Jeremiah 19:3

Tell dem: ‘Lissen wat Da One In Charge tell, you Judah king guys an Jerusalem peopo. Dis wat Da One In Charge, da God Ova All Da Armies an da God fo da Israel peopo, tell: Lissen up! I goin make one real bad kine ting happen dis place. Wen peopo hear bout dis, dey goin come all shock, cuz dis place goin come all bus up.

Jeremiah 2:4

Lissen wat Da One In Charge tell, you Jacob peopo, all da ohanas inside da Israel house.

Jeremiah 2:9

“Az why I poin finga you guys one mo time. An I goin do dis agains yoa kids an grankids too.” Dass da message from Da One In Charge.

Jeremiah 25:31

Da big noise goin go to da mos far places on top da earth. Cuz Da One In Charge goin poin finga da peopos. He goin go agains erybody dat stay alive. He goin go afta da guys dat do wass wrong wit his sword.’ ” Az wat Da One In Charge tell.

Jeremiah 34:4

“ ‘But Zedekiah, lissen wat me, Da One In Charge, promise. You da king fo da Judah peopo. Dis wat me, Da One In Charge, tell bout you. Nobody goin kill you wit dea sword.

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 4:28

Az why da peopo all ova da world goin stay sad inside, An da sky up dea goin come dark. Cuz I awready wen tell wat I make one plan fo do, An I no goin change my mind an do someting diffren.”

Jeremiah 5:4

Me, Jeremiah, I figga lidis: ‘Dese guys, dey pooa, dey no mo notting. But dey stay stupid, Cuz dey donno how Da One In Charge like fo dem live. Dey donno wat dea God tell Bout wass right an wass wrong.

Jeremiah 51:5

Cuz Da One In Charge, da God Ova All Da Armies, He no goin bag from da Israel an Judah peopo, Jalike one husban leave his wife wen he mahke. No matta da Israel an Judah peopo get plenny blame fo wat dey do, Da way Da One In Charge see um, He da Good An Spesho God fo da Israel peopo.

Jeremiah 6:13

“From da guys dass not importan to da importan guys, Erybody stay greedy fo get plenny stuffs. Da guys dat make jalike dey talk fo me, an da pries guys, Dey all bulai peopo fo get stuff.

Jeremiah 7:28

Az why you gotta tell um, ‘You Judah guys, da peopo dat no lissen yoa God, Da One In Charge. You guys no like learn notting wen he punish you fo make you go da right way. Fo you guys, no mo nobody tell da trut. You no even talk bout wass true!

Jeremiah 9:20

Now, you wahines, lissen up wat Da One In Charge tell! Open yoa ears fo hear! Teach yoa girls how fo cry. Teach each odda da funeral songs.

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Jeremiah 9:7

Az why dis wat Da One In Charge, da God Ova All Da Armies, tell: “Look! I goin tes dem Jalike wen peopo melt metal fo tes if stay good o no good. Dass da ony ting I can do! Cuz I get love an aloha fo my peopo. But dey wen go do plenny bad kine stuff!

Ezekiel 16:35

“ ‘Eh, you Jerusalem peopo dat fool aroun wit da odda gods jalike one hoa! Lissen wat me Da One In Charge, da Boss, tell!

Hosea 12:2

Da One In Charge goin poin finga da Judah ohana leada guys. He goin punish da Jacob peopo fo da kine stuff dey do. He goin pay dem back fo wat dey wen do.

Hosea 12:3

Wen Jacob wen stay inside his muddah, He grab his braddah heel. An wen he grow up, he wresso wit God.

Hosea 5:1

Da One In Charge tell, “Lissen, you pries guys! Lissen good, all you Israel ohana peopo! An lissen, you king an yoa ohana! Wat da judge tell stay agains you guys: You guys wen lead peopo to one trap Mizpah side. An az jalike you spread out one net fo catch peopo at Mount Tabor.

Hosea 5:4

Da Israel peopo stay do bad kine stuff, An dat make um so dey no come back by me, dea God. Cuz inside, dey ony like fool aroun wit odda gods. Dey donno me, Da One In Charge.

Joel 1:2

Lissen dis, you older peopo! Lissen good, erybody dat live inside oua land! No mo notting lidis eva happen befo time wen you guys stay alive, aah? O wen yoa ancesta guys stay alive.

Amos 3:1

Eh! Lissen up, you Israel peopo! I stay talking fo God, cuz Da One In Charge stay tell dis to you guys, da whole ohana dat he wen bring hea from Egypt side.

Amos 7:16

“Eh Amaziah! Now, you gotta lissen wat Da One In Charge tell. You tell me, ‘No talk fo God bout da Israel ohana! No stay teach agains da Isaac ohana!’

Micah 6:2

“Lissen wat me Da One In Charge tell Fo poin finga my peopo. Let da mountains hear dat. Dey da strong foundations Fo da earth dat stay foeva. Lissen cuz Da One In Charge know How come he poin finga his peopo, Da Israel peopo!

John 8:55

But you guys donno him. I know him. If I tell dat I donno him, den I bulai, jalike you guys. But I know him, an I do wat he tell me fo do.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

1 Corint 15:34

Wise up! Tink strait how you suppose to tink! No go do da bad kine stuff no moa! Cuz even get some peopo dat donno God, you know. I stay talk lidis fo make you guys come shame.

Jesus Show 2:11

“If you guys can hear dis, you guys betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, No way dey goin get hurt Wen da odda peopo mahke da secon time An get cut off from God foeva.

Jesus Show 2:29

If you can hear dis, you betta lissen an go do wat God Spirit stay tell da church peopo fo do!