Hosea 3:4 - Hawaii Pidgin Bible

⁴ Dass jalike one picha: Da Israel peopo goin stay long time. An all dat time, dey no goin get one king o prince, an dey no goin make sacrifice fo da odda gods. No goin get poses fo da odda gods dat stay kapu fo dem, o one spesho ves fo da Main Pries Guy, o small kine statues fo find out wat da odda gods tell.

Hosea 3:4 Iomraidhean Croise

Start 31:19

Dat time dey go, Laban awready stay inside da boonies fo cut da wool from his sheeps. Befo Rachel go, she steal da idol kine gods dat her faddah ohana pray to.

Start 31:34

But befo Laban go inside Rachel tent, Rachel take da idol kine gods an put um inside da saddle fo her camel, an sit down on top um. Laban open up eryting inside da tent an look inside. He neva find notting.

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

2 Samuel 6:14

David, he go all out fo spin an dance real hard in front Da One In Charge. He wear one pries kine linen ves.

2 Kings 23:24

Josiah do odda tings too. He throw out from Judah an Jerusalem, all da guys dat know how fo talk to da mahke guys an da bad kine spirits, da amakua idols inside da peopo houses fo dea ohanas, da odda idol kine gods, an all da odda kine tings dat God hate. He make lidat cuz he like make shua da peopo do eryting da Rules tell, dat stay inside da book dat Hilkiah wen find inside da Temple Fo Da One In Charge.

2 Records 15:2

Azariah go out fo meet Asa wen Asa come back from fight da Sudan guys. Azariah tell, “King Asa an all you Judah an Benjamin peopo, lissen me! Da One In Charge stay tight wit you guys all da time you stay tight wit him. If you like know him, he goin let you guys come fo know him. But if you bag from him, he goin bag from you guys.

Outa Egypt 28:4

Dese da kine clotheses dey gotta make: Da ches piece, Da ves, Da robe, Da shirt fo undaneat da robe, made wit small kine squares all ova, Da pries kine hat, Da sash. “Dey goin make all dis kine clotheses fo Aaron, an same ting fo his boys, fo dem be pries guys fo me.

Outa Egypt 28:6

“Make da pries kine ves wit gold, an wool string (blue, purple, an red), an fancy kine linen string, an dis az da kine work da real smart guys goin make.

Sad Song 2:9

Da town gates fall down inside da dirt. Da One In Charge smash da bars fo da gates an wipe um out. Da king an da princes come prisonas an go to odda nations, No mo nobody teach Da Rules From God. Da guys dat talk fo Da One In Charge No see notting jalike dreams from him no moa.

Ezekiel 19:14

Da fire go from one a da main branches An burn up all da fruits. No mo strong branch on da plant Dat can use fo make da kine stick dat one king carry fo show he da king.’ ” Dis one sad song, an da peopo suppose to sing um wen dey stay sad.

Ezekiel 20:32

“ ‘You guys tell, “We like come jalike da odda peopos from all da diffren lands. Us guys like work fo da idol kine gods dat dose peopo make from wood an stone.” But wat you tink goin happen, no ways goin happen!

Ezekiel 21:21

Cuz da Babylon king goin stop wea da two roads split fo hear from his gods wat one fo take. He goin make one kahuna kine ceremony fo find out wea fo go—drop arrows from his arrow bag an see how dey fall, aks da small kine idol gods he bring wit him wat fo do, an kill one animal fo see wat da liver tell.

Ezekiel 21:31

I goin show dat I stay huhu An pay you back. I goin turn you ova to da skery hit men, Guys dat know how fo take peopo out.

Daniel 11:31

Army guys from da Syria king goin go inside da strong wall aroun da Temple Fo Da One In Charge. Dey no goin let da pries guys make sacrifices dey suppose to make ery day. Den dey goin put up one pilau idol kine statue inside da place dat stay spesho fo Da One In Charge, fo nobody pray to Da One In Charge dea no moa.

Daniel 12:11

“From da time da bad leada guy no let da peopo make sacrifices fo ery day, an he put up da idol kine gods dat God hate plenny inside da Temple, an jam up eryting an make erybody bag from dea, goin be 1,290 days.

Daniel 9:27

Da leada dat come goin make good one solid deal wit plenny peopos fo seven year. But in da middo a da seven year, he goin stop all kine sacrifice. On top one end a da temple he goin put up idol kine gods dat God hate plenny. Wat he goin do so horraz, goin make eryting come hamajang, an make erybody bag from dea, till da time dat God tell he goin make him stop.”

Hosea 13:10

So! Wea yoa king, aah?! He suppose to get you outa trouble, aah?! Wea yoa leada guys in all yoa towns?! Da ones you guys wen tell bout, ‘Give us one king an leada guys!’

Hosea 13:11

So, cuz I wen stay huhu, I give you one king. Den I come real huhu one mo time, an take him away.

Hosea 2:11

I goin stop all her religious ceremonies, Da spesho times she make ery year, Da new moon spesho times, da Res Days, An all da odda spesho religious ceremonies.

Prieses 8:7

Firs he put da shirt on top Aaron, tie da wide cloth belt aroun his wais, put da robe on top him, an da spesho ves. He tie da ves wit da fancy kine band fo da wais dat dey weave.

Zekariah 10:2

Da small house kine idol gods Ony tell you tings dat no mean notting Wen you sad. Da kahuna guys dat like find out wass goin happen, See tings dat not true. Dey talk bout dreams dat bulai peopo. Dey try make da peopo feel good inside, but no can. Az why my peopo go all ova da place jalike da sheeps. Dey get hard time cuz dey no mo sheep guy fo take kea dem.

Zekariah 13:2

Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

John 19:15

But dey make big noise an yell, “Hang um up! Hang um up! Kill da buggah on top one cross!” Pilate tell um, “Wot! You like me kill yoa king?!” Da Main Pries guys tell, “Us guys, we no mo anodda king, ony King Cesar!”

Hebrews 10:26

But you know, even afta we know da true stuff from God, an if we stay do da bad kine stuff still yet cuz we like, den no mo sacrifice fo hemo da shame fo all da bad kine stuff we stay do.

Local Leadas 17:5

Dis guy Micah get one sacrifice place. He make one spesho pries kine ves, an some idols, an make one a his boys come da pries fo him.

Local Leadas 18:14

Den da five guys dat wen go firs time fo scope out da Laish land tell, “You guys know wat get inside one a dese houses? Get one spesho ves, odda idol kine gods, one idol dey carve, an anodda idol dey wen melt metal fo make um! Now you guys know wat you gotta do.”

Local Leadas 8:27

Gideon make one pries kine ves wit da gold. He put da ves inside Ofrah, his town. All da Israel peopo make jalike dey fooling aroun wit anodda god, cuz dey go ova dea fo go down an pray in front da ves. Da ting come one trap fo Gideon an his ohana.

1 Samuel 14:3

Ahijah stay wit dem too. His faddah was Ikabod braddah Ahitub, an his granfaddah was Finehas, Eli boy (dass da Eli guy dat befo time was Da One In Charge pries guy Shiloh town). Now, Ahijah, he da pries guy dat wear da spesho kine ves cuz he da Main Pries Guy. No mo nobody know dat Jonathan wen go way from dea awready.

1 Samuel 15:23

Cuz anybody dat go agains Da One In Charge, az bad, Jalike if dey aks da fortune tella guys wat goin happen, An anybody dat no do how dea boss tell um fo do, az wrong awready, Jalike if dey go down in front da idol kine gods. You! Cuz you tell ‘Laytas’ to wat Da One In Charge tell you fo do, Az why he tell ‘Laytas’ to you! You no goin stay king no moa!”

1 Samuel 2:18

Da boy Samuel, he wear da linen kine ves jalike one pries, an he do da pries kine work in front Da One In Charge.

1 Samuel 21:9

Da pries guy tell, “Still get da sword you wen take away from Goliat da Filisha guy, da guy dat you wen kill inside da Elah Valley. Stay all wrap up inside one cloth, right ova dea in back a da spesho ves. If you like take um, den take um. Az da ony sword dat we get ova hea.” David tell, “Yeah! No mo anodda sword like dat one! Go give um to me.”

1 Samuel 22:18

Den da king tell Doeg da Edom guy, “You! Go attack da pries guys!” So Doeg turn an attack dose guys. Dat day, he kill eighty-five guys dat wear da pries kine ves.

1 Samuel 23:6

(You know, da time Abiatar, Ahimelek boy, run away from Saul, he go by David Keilah side. Dat time, Abiatar wen bring wit um da spesho kine ves dat da Main Pries Guy wea. An dass how he find out stuff from Da One In Charge, fo tell David.)

1 Samuel 23:9

Wen David find out dat Saul an his guys stay make one plan fo hurt him, David tell Abiatar, da pries guy, “Bring da spesho pries kine ves! I gotta find out wat God like me fo do!”

1 Samuel 30:7

Den David tell Abiatar da pries guy, Ahimelek boy, “Try bring me da spesho pries kine ves you use fo aks God wat fo do.” An Abiatar go get um.