Hosea 11:3 - Hawaii Pidgin Bible

³ But az jalike I da One wen teach Da Efraim peopo fo walk. I wen carry dem in my arms. But dey neva tink Dat was me wen take kea dem.

Hosea 11:3 Iomraidhean Croise

Songs 107:20

An wat Da One In Charge tell um, Make um come good Fo dem no mahke An go down inside da grave.

Outa Egypt 15:26

God tell dem, “You guys gotta lissen good to me, yoa God, Da One In Charge fo real kine. You guys gotta stay do da right ting in front me, an lissen wat I tell you guys fo do, an keep all da Rules. If you guys do all dat, den I no goin wack you guys wit all da kine sick dat I wen bring fo da Egypt peopo. Cuz me Da One In Charge, an I da one dat make you guys come good.”

Outa Egypt 19:4

You guys see awready wat I wen do to da Egypt peopo. You guys know, was me da One dat bring you guys outa Egypt, jalike I one eagle bird an I carry you guys away from dea on my wings, an I bring you guys ova hea by me.

Outa Egypt 23:25

You goin work fo me, Da One In Charge, yoa God. Den I goin make yoa food an yoa watta be good kine. I goin make shua you guys no come sick.

Isaiah 1:2

Lissen, erybody in da world an inside da sky, Cuz me, Da One In Charge, da Good Boss, stay tell you dis: “I wen take kea da Israel peopo Jalike dey my kids, an help um grow up. But still yet, dey go agains me.

Isaiah 30:26

Da moon goin shine strong, Jalike da sun. An da light from da sun goin come Seven time mo bright den befo, Jalike you get all da light from seven days, In one day! Az how goin happen Afta Da One In Charge wack his peopo. Den, Da One In Charge goin fix um Ery place da bone stay broke, An he goin bandage Da cut he wen give dem.

Isaiah 46:3

Lissen to me, you Jacob peopo, An all you Israel peopo Dat still stay on top da land. I wen carry you guys from da start, An wen lif up you guys from da time you wen born.

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Jeremiah 30:17

But I goin make you guys come good. An make da places you bleed come good. Peopo call you guys, ‘Da guys dat no mo place fo go, Da ones dat go Mount Zion fo pray, But no mo nobody like take kea dem.’ ” Az wat Da One In Charge tell.

Jeremiah 8:22

Fo shua, Gilead side get medicine An docta ova dea! Cuz da peopo I love stay hurt. So, how come no mo nobody fo make um feel good?!”

Hosea 14:4

Da One In Charge tell, “I goin make dem come good, No matta dey wen tell ‘Laytas’ to me. I goin show plenny love an aloha fo dem Cuz I no stay huhu wit dem no moa.

Hosea 2:8

“But she neva know I da one Wen give her da wheat an barley, da new wine, an da olive oil. I da one wen give her plenny silva an gold, Dat her an da guys dat make sex wit her go use um fo da Baal god.

Hosea 7:1

Erytime I wen like make da Israel peopo come good, I neva do um! Az cuz a da bad kine stuff da Efraim peopo do, An da crooked kine stuff da Samaria peopo do, All dat kine stuff show up. Dey bulai. Da steala guys bus inside da houses! Gangs wit da bad kine guys rip off peopo on top da streets!

Hosea 7:15

Was me Da One In Charge wen teach dem an make um strong. But dey plan now fo do bad kine stuff agains me.

Jesus Guys 13:18

an he take da stuff dey do fo forty year inside da boonies.

Rules Secon Time 1:31

An inside da boonies, you guys wen see God, Da One In Charge, take kea you guys, jalike one faddah carry his boy inside his arms. He bring you guys all da way to dis place.

Rules Secon Time 33:27

Da God dat stay from befo time, He take kea you guys. Undaneat you guys, get his arms dat stay foeva. He goin throw out da peopo dat stay agains you guys. He goin tell, ‘Go wipe dem out!’

Rules Secon Time 8:2

No foget how oua God, dass Da One In Charge a us, wen bring you guys all da way inside da boonies fo forty year. He do dat so you guys no mo big head, an fo tes you guys fo find out how you guys tink, if you guys goin do wat he tell you guys fo do, o not.