Hosea 10:2 - Hawaii Pidgin Bible

² Inside, dey like bulai peopo, An now gotta punish dem Cuz dey get da blame. Me, Da One In Charge, goin bus up dea altars, An wipe out dea kapu stones.

Hosea 10:2 Iomraidhean Croise

1 Kings 18:21

On top Mount Carmel, Elijah go in front all da peopo. He tell, “You guys gotta make up yoa mind right now, one way o da odda way! If Da One In Charge stay God fo real kine, go wit him! But if Baal stay God fo real kine, go wit him!” Da peopo, dey no say notting.

Outa Egypt 23:24

You betta not go down in front dea gods fo pray to dem, an you betta not let dose peopo make you do stuff fo dea gods, da way dey make. You gotta broke up dea idol gods, an smash da big stones dat dey set up fo dem pray in front.

Smart Guys 11:18

Da kine peopo dat do bad kine stuff, Wat dey get fo dat, ony make dem look good. Da kine peopo dat make tings come right, Wat dey get fo dat, stay good fo real kine.

Isaiah 44:18

Dat kine peopo, dey donno notting. Dey no undastan notting. Jalike Da One In Charge put plasta ova dea eye So dey no can see notting An dey no can tink good.

Jeremiah 43:13

Ova dea inside da temple fo da sun god in da Egypt land, Da One In Charge goin bus up da big stones dat stay kapu fo dem, da stones dey wen set up fo poses fo dem pray in front dem. He goin burn down da temples fo da Egypt gods.’ ”

Ezekiel 14:5

I goin make lidat fo all da Israel ohana peopo fo make um come back my side. Cuz dey all wen bag from me, an now dey stay tight wit dea idol kine gods.’

Hosea 12:11

You guys tink da Gilead peopo do real bad kine stuff? Eh, da peopo ova dea, dey no worth notting! Da Gilgal peopo wase time wen dey kill bulls fo make sacrifice. Dea altars look jalike stones dey pile up All aroun one field dey wen plow.

Hosea 13:16

Da Samaria peopo gotta get punish, Cuz dey wen go fight me dea God. Dey goin get kill wit swords. Odda peopos goin throw da Samaria small kids down Fo dem mahke on top da groun, An dose odda peopos, dey goin rip open da hapai wahines.”

Hosea 3:4

Dass jalike one picha: Da Israel peopo goin stay long time. An all dat time, dey no goin get one king o prince, an dey no goin make sacrifice fo da odda gods. No goin get poses fo da odda gods dat stay kapu fo dem, o one spesho ves fo da Main Pries Guy, o small kine statues fo find out wat da odda gods tell.

Hosea 7:8

“Da Israel leadas mix wit odda leadas dat donno me. Da Efraim guys jalike one roun bread dat stay bake ony one side, But nobody turn um ova fo bake da odda side.

Prieses 26:30

I goin broke down yoa sacrifice places fo da idol kine gods on top da hills, an cut down da altars you guys make fo burn incense dea. I goin put big stack a yoa mahke bodies on top da wood blocks, da ones you call yoa idol kine gods, dat no stay alive. An I goin hate you guys.

Micah 5:13

I goin bus up da idol kine gods you guys make, An da kapu stones you guys put up. You guys not goin go down no mo in front da idol kine gods, Da ones you guys wen make wit yoa hands.

Zefaniah 1:5

I goin wipe out da peopo dat go on top dea flat roofs Fo go bow down in front Da sun, da moon, an all da star gods. An I goin wipe out da peopo dat use my name ‘Da One In Charge’ fo pray to me, An same time dey use da Molek god name fo pray to him too.

Zekariah 13:2

Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

Matthew 6:24

“Nobody can work fo two boss guys dat own him. He goin like lissen one boss an den hate da odda. He goin like stay tight wit one boss an figga da odda guy no good. Same ting, you guys no can work fo da real God an da money god.

Luke 16:13

“One worka guy no can do notting, if two boss guys own him same time. Bumbye he goin hate one boss an love da odda boss. He goin do good kine stuff fo one boss an tink bad bout da odda boss. You no can work fo da God dass fo real an da money god.”

James 4:4

You guys, jalike you go fool aroun behind God back! An you guys ack jalike you neva know dis: Whoeva love da bad kine stuff inside da world, fo real, dat guy stay agains God! So, whoeva come frenz wit all da bad kine stuff inside da world, dat guy show dat he stay agains God fo shua!

1 John 2:15

No get love an aloha fo da bad kine stuff dat get inside dis world. If anybody get love an aloha fo da bad kine stuff in dis world, den dey no mo love an aloha fo da Faddah.

1 Samuel 5:4

But den, da nex morning wen dey get up, dey see Dagon stay fall down one mo time on his face, on top da floor in front Da Box Fo No Foget Da Deal Wit Da One In Charge! Dis time, Dagon head an his hands stay chop off, an stay ova dea on top da board unda da door. Ony da body stay by da place wea dey put da statue.