Filemon 1:20 - Hawaii Pidgin Bible

²⁰ Eh, braddah, try do someting fo me. Cuz you stay tight wit Da One In Charge, I like you fo make me come good inside, cuz me an you stay tight wit Christ.

Filemon 1:20 Iomraidhean Croise

1 Corint 16:18

Dey wen make me come jalike new one mo time inside, an dey wen do da same ting fo you guys. Dat kine peopo, show um respeck.

2 Corint 2:2

Cuz if I make you guys come all sad, den who goin make me feel good inside? Ony get you guys, da ones I goin make sad.

2 Corint 7:13

All dis make us feel mo betta inside. You guys wen help Titus feel real good inside fo notting bodda him. An dat make us guys feel real good inside too.

Philippi 1:8

God know how plenny love an aloha I get fo you guys. I feel lidat cuz Jesus Christ feel lidat.

Philippi 4:1

Eh, my braddahs an sistahs. I get plenny love an aloha fo you guys, an I miss you guys. You guys make me feel real good inside jalike I get one crown on top my head! Az why I tell you guys awready, stan strong an stay solid inside! You guys can do um cuz you stay tight wit Da One In Charge.

Filemon 1:12

He da guy I goin sen by you, an inside, goin be jalike I stay wit him.

Filemon 1:7

Braddah, you get love an aloha fo da peopo dat stay spesho fo God. Az why I feel good inside. Weneva I no feel good inside, I tink bout you, an dat make me feel good one mo time. Cuz da peopo dat stay tight wit God, you make dem come good inside one mo time.

Hebrews 13:17

Wen yoa leada guys tell you guys fo do someting, lissen dem, an do wat dey tell you fo do. Dey erytime try fo take kea you guys, day time an nite time, cuz dey know dat dey gotta show God dat dey stay do one good job lidat. Lissen dem, fo dem stay good inside, an no come bum out. Cuz if dey stay bum out, dat no goin help you guys notting.

1 John 3:17

Maybe somebody get plenny stuffs, an dey see dat dea braddah o sistah no mo notting, but dey no mo pity fo dem. How dey goin tell dat dey get love an aloha fo God? No way!

3 John 1:4

Dis da ting dat make me stay good inside to da max: wen I hear dat my kids stay do da true kine tings.