Daniel 7:14 - Hawaii Pidgin Bible

¹⁴ Da One Dat Stay From Befo Time give da guy Da powa fo stay in charge. He make peopo get respeck fo him An let him be dea king. All da diffren peopos From ery country an ery language Goin show dat guy love an respeck. Da powa he get fo stay in charge, He get um foeva. Dat powa goin be lidat foeva, An no mo nobody goin ovathrow him.”

Daniel 7:14 Iomraidhean Croise

Songs 102:22

Dass goin happen, da time Da diffren peopos come togedda ova dea, An king guys come dea fo show Love an respeck fo Da One In Charge!

Songs 103:19

Da One In Charge, He wen put his throne inside da sky, An he da One dat stay in charge A eryting an erybody!

Songs 145:13

Da powa you get fo be king, Dat powa goin be lidat foeva! Da right you get fo stay in charge A da peopo right now, Goin be fo dea kids too, An fo dea kids kids! Da One In Charge, he erytime do Wat he tell he goin do, An eryting he do, He stay tight wit his peopo.

Songs 146:10

Da One In Charge, He goin stay king foeva! You peopo dat go Mount Zion Fo pray to God, Yoa God stay king fo da peopo Dat stay alive now, An fo all da ones Dat goin come from dem bumbye! Eh you guys! Tell good tings Bout Da One In Charge!

Songs 45:6

God give you da right fo sit On top yoa throne foeva, Cuz you do eryting da right way. An dass how come You carry da spesho stick Dat show you da king.

Songs 72:11

I like fo all da king guys Go down in front him. I like fo all da nations Stay his worka guys.

Songs 72:17

I like fo peopo no foget Wat kine king him, Foeva, all da time da sun stay shine. I like fo all da nations tell, “God do good tings fo us, Cuz a dis king an his ohana!” An dey tell, “Dis king, Fo shua he stay good inside!”

Songs 8:6

You wen put us peopo in charge a da tings you wen make, You wen make us take kea eryting,

Isaiah 16:5

Dat time, goin get one new king Dat goin stay tight wit his peopo. Dat king, goin come from King David ohana, An da peopo goin trus him. He goin be da judge, An he goin work hard fo judge erybody da right way. He no goin wase time notting Fo make shua eryting dat happen stay pono.

Isaiah 60:12

Cuz da king o country dat no help you guys, Da peopo goin mahke An da country goin get wipe out.

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Daniel 2:35

Den, da iron, da clay, da bronze, da silva, an da gold wen broke same time, all small pieces, jalike da junk kine stuff dat fall down on top da groun wea dey split da wheat from da junk kine stuff summa time. An da wind blow um all away, so no mo notting dea. But da rock dat wen smash da statue, come one big mountain, an fill up da whole world.”

Daniel 2:37

King Nebukadnezzar, you da king ova all da odda kings. God Inside Da Sky, he da One wen make you king, an give you da powa, an make you strong, an make erybody get respeck fo you.

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Daniel 3:4

Den one guy dat talk fo da king talk wit one loud voice: “Dis wat all you diffren peopos gotta do, from ery country, an ery language.

Daniel 4:3

“Real awesome, all da kine stuff he do! Da kine stuff he show me, I know he get powa! He stay da king foeva! He get da right fo stay in charge Ova all da peopo dat live today An ova all da peopo dat goin come bumbye.

Daniel 6:26

“Dis da rule: All ova da land wea I stay king, erybody gotta come sked an shaking in front Daniel God an get respeck fo him. “He da God dat stay alive. He live foeva. No mo nobody can wipe out Da peopo wea he stay da king. He goin stay in charge foeva.

Daniel 7:18

But da ones dat stay spesho fo da God Dass Mo Importan Den All Da Odda Gods, goin be dem get da right fo be da king guys, an dey goin keep dat right foeva an eva.’

Daniel 7:27

Den, da God Dass Mo Importan Den All Da Odda Gods goin give da peopo dat stay spesho fo him da powa fo come da nex king an da powa fo stay in charge a da peopo. An da God Dass Mo Importan Den All Da Odda Gods goin give his kings powa ova da odda kings all ova da world. Dey goin stay in charge foeva. All da countries on top da earth goin work fo God peopo, an all da odda peopos goin lissen dem.’

Obadiah 1:21

Da guys dat get oua peopo outa trouble, Dey goin go on top Mount Zion, Fo ovathrow da govmen fo da Esau mountains. An Da One In Charge, he goin be da king!

Micah 4:7

Me, Da One In Charge, I goin make Da peopo dat no can walk good Come one new nation. Da peopo da odda guys wen push away, I goin make dem come real strong. I goin be dea king dat live Mount Zion From dat time an foeva.”

Matthew 11:27

Den Jesus tell dem, “My Faddah in da sky give me eryting, you know. I his Boy, an az why he do dis. Nobody know me jalike my Faddah know me. An nobody know my Faddah fo real kine, ony me, I know him, cuz I his Boy. An da Boy da one dat pick da peopo he like show da Faddah to dem.

Matthew 28:18

Den Jesus go nea dem an tell, “God give me all da powa fo me stay in charge a eryting all ova da world an inside da sky.

Luke 1:33

He goin stay King fo da Jacob ohana, Da Israel peopo, foeva. Goin be lidat foeva.”

Luke 10:22

Jesus tell, “My Faddah give me eryting, you know. Nobody know me da way my Faddah know me. An nobody know my Faddah fo real kine, ony me, I know him, an da peopo I like show him, dey know him too.”

John 12:34

Da peopo tell him, “We wen hear from da Rules From God dat da Christ Guy goin live foeva. Den how come you tell, ‘Dey goin take me, da Fo Real Kine Guy, an lif me up from da groun fo kill me’? Who dis Fo Real Kine Guy dat you stay talk bout?”

John 3:35

Da Faddah get plenny love an aloha fo his Boy. He give him da powa ova eryting.

Hebrews 12:28

So den, God goin give us guys da right fo come jalike kings wit him. An nobody eva goin take away dat right from us guys. Az why we gotta tell God “Mahalo plenny.” Wen we do dat, we show him all kine love an respeck, cuz we know how awesome he stay.

1 Peter 3:22

Jesus wen go back inside da sky, an he stay ova dea in da mos importan place, by God right side. Get all da angel guys, da leada guys, an da guys wit powa, an dey all gotta do wat he tell um fo do.

Jesus Show 1:6

Christ wen come da king fo us guys, An make us all come prieses Fo work fo God, his Faddah. We goin tell how awesome he stay. He get powa foeva an eva! Dass it!

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 17:14

Dey goin make war an fight God Bebe Sheep Guy. But he goin win ova dem, cuz he Da One In Charge Ova All Da Bosses an da King ova all da kings! All da peopo dat God Bebe Sheep Guy wen pick an tell dem fo come be his guys, dey do wat dey tell dey goin do, an dey goin stay tight wit him.”

Jesus Show 3:21

Whoeva fight an win, I goin give dem da right Fo sit by me wea I stay on top my throne. Jalike me, I win awready, An now I stay sit down by my Faddah Wea he stay on top his throne.