Daniel 6:7 - Hawaii Pidgin Bible

⁷ Us supavisa guys fo yoa land, an govna guys, an govna guys fo da districks, an all da odda govmen guys, an da older leada guys, we all wen talk. We figga az good fo you, da king, fo make one rule, an make shua nobody broke um. Dis da rule: da peopo gotta pray to you, da king. Whoeva pray to anodda god o anodda guy, fo da nex thirty days, throw dem down inside da big hole wea you put da lions.

Daniel 6:7 Iomraidhean Croise

Songs 10:9

Jalike one lion hide inside da bushes, Dey wait Fo grab da peopo dat stay pooa ting, Jalike dey catch um wit dea net.

Songs 2:2

Get king guys all ova da world stan up An tell wat dey goin do. Da leada guys come togedda fo talk Agains Da One In Charge An agains da spesho guy He pick fo come king!

Songs 59:3

Try look! Dey stay hide An wait fo jump me an kill me. Dey get plenny powa, An dey come togedda agains me. Eh! You Da One In Charge! I neva do notting Fo make dem guys come huhu, I neva do notting bad to dem.

Songs 59:5

You, you Da One In Charge. You da God Ova All Da Armies You da God fo da Israel peopo. I like you do someting Fo punish all da diffren peopos! No make nice to all da peopo Dat ack jalike dey oua frenz, But den dey do bad tings to us! (Time out fo da music.)

Songs 62:4

Dem guys ony make plan Fo bring down dis guy Dat get one good rep. Erytime dey bulai somebody Make dem feel good. Wit dea mout, dey tell, “I like God do good tings fo you!” But inside, dey tink, “I like put kahuna on top you!” (Time out fo da music.)

Songs 83:5

Cuz da ones dat stay agains you, Come togedda fo figga out Wat dey goin do to you. An dey make one deal fo bus you up—

Songs 94:20

Da king guys dat stay wipe out peopo An make rules dat tell Az okay fo make any kine. You tink dey can work Wit you, o wat?! No way!

Daniel 2:4

Da kahuna guys tell da king in da Aramaic language, “You da King, an us like you live foeva! We yoa worka guys. Tell us da dream, an we goin tell you wat da dream mean.”

Daniel 3:11

An dat whoeva no go down on top da groun an show um respeck, yoa guys goin throw dem inside one real hot fire jalike one big oven, aah!

Daniel 3:2

Den King Nebukadnezzar sen messenjas fo call all da guys dat run da odda countries afta he take um ova—da importan territorial leada guys, dea helpa guys, an da territorial govna guys. He call da guys dat talk wit him bout wass good fo him do, an da guys dat take kea da rich kine stuffs da king get, da judge guys, an da lawyas. Da king make all da govmen guys come togedda fo one ceremony fo show he pau make da statue.

Daniel 3:27

An da guys dat run da odda countries afta da king take um ova, dea helpa guys, da territorial govna guys, an da odda govmen guys dat work fo da king, dey all push each odda fo go look da three Jew guys. Da leada guys see dat da fire no mo powa fo burn dea bodies. No burn even one hair on top dea heads. No burn dea robe, an no mo fire smell on dem.

Daniel 3:6

Whoeva no go down on top da groun an show respeck, right den an dea da king guys goin throw dem inside one real hot fire jalike one big oven.”

Daniel 6:16

So da king tell his guys fo bring Daniel. Dey throw um down inside da hole wea dey put da lions. Da king tell Daniel, “Yoa God, da One you show respeck fo real plenny, ony him can get you outa dis, cuz I no can!”

Daniel 6:22

My God wen sen his angel messenja guy fo make da lions no bite me. Dey no touch me notting, cuz God see me dat I neva do notting wrong. An I neva do notting wrong to you too, King Darius.”

Micah 6:5

“My peopo, No foget wat Balak wen tell Da king fo da Moab peopo, Dat he wen like put kahuna On top you guys! No foget how Beor boy Balaam wen ansa him, Dat Da One In Charge ony goin do good stuff fo you guys! No foget how you guys wen go from Koa Town to Gilgal, Wen me Da One In Charge do awesome stuff Fo help you guys go da odda side a da Jordan Riva. Den you goin undastan dat me, Da One In Charge, Stay do wass right fo you guys erytime.”

Nahum 2:12

Da strong lion wen kill enuff food fo da bebes, An enuff fo da muddah lions. Dey fill up dea cave wit da animals dey wen kill. Az jalike how da Nineveh peopo wen stay.

Matthew 12:14

But da Pharisee guys, dey go outside fo make one plan togedda how dey goin kill Jesus.

Matthew 26:4

Dey tell, “How us goin trick Jesus fo bus um? Den can kill um.”

Mark 15:1

Early morning time, all da Main Pries guys, da older leadas fo da peopo, da teachas dat teach da Rules From God, an all da main leadas, go figga out wat fo do bout Jesus. So dey tie him up, take him away, an give him to Pilate, da govna.

John 12:10

So da Main Pries guys talk togedda how dey goin kill Lazarus too.