Daniel 6:12 - Hawaii Pidgin Bible

¹² Az why dey go by da king an tell him bout da rule he wen write. Dey tell, “Eh! You jus write down one rule, aah? dat fo thirty day, whoeva no pray ony to you da King, but pray to anodda god o anodda guy, yoa guys goin throw um inside da big hole wea da lions stay!” Da king tell, “Dass da rule! An dass da rules fo da Mede an Persia peopo, dat no mo nobody can change um.”

Daniel 6:12 Iomraidhean Croise

Esther 1:19

“Az why, if you like, sen out dis rule, an tell yoa peopo fo write um inside da rules fo Persia an Media. Den no mo nobody can change da rule: Vashti no goin eva come one mo time wea King Xerxes stay. Den you goin make anodda wahine da queen. Goin be somebody mo betta den Vashti dat goin lissen wat her husban tell.

Daniel 6:15

Da guys dat stay agains Daniel go togedda in front da king one mo time, an tell um, “King Darius, no foget dat da rules fo da Mede an Persia peopo tell dat no mo nobody can change da rules dat da king make.”

Daniel 6:8

We like fo you, King Darius, fo tell da peopo dat, an write down da rule, so no mo nobody can change um. Make um jalike one rule fo da Mede peopo an da Persia peopo, so dat no mo nobody can change da rule.”

Jesus Guys 16:19

Wen da bosses fo da slave girl find out dat dea chance fo make money all pau, dey grab Paul an Silas an drag um inside da open market place fo face da leada guys.

Jesus Guys 16:24

Wen da jaila guy hear dat, he throw um in da hole an lock dea legs inside da holes in da wood frame shackles.