Daniel 4:4 - Hawaii Pidgin Bible

⁴ “Me, Nebukadnezzar, I ony stay inside my house. I stay take it easy. Inside my palace, eryting stay go good fo me.

Daniel 4:4 Iomraidhean Croise

Isaiah 56:12

All dem tell each odda, ‘Come on, you guys! I like get some wine! Us go get piloot wit beer! An tomorra, same ting jalike today, O even mo betta!’ ”

Jeremiah 48:11

“Da Moab peopo, from da time dea land come one country, No mo notting happen fo give dem trouble. No mo nobody make dem prisonas O take um outa dea land. Dey jalike da kine wine Dat stay long time inside da same jar. Nobody pour um from one jar to anodda jar Fo make um taste mo betta. If you taste dat kine wine, Still yet goin taste an smell same same.”

Ezekiel 28:17

You come real big head Cuz you so good looking. Befo time you know wat fo do erytime, But now wat you do cuz you so awesome Come all hamajang. Dass why I throw you down on top da groun, An show da odda king guys how stupid you.

Ezekiel 29:3

Give dem dis message: Dis wat Da One In Charge, da Boss, tell: Eh Pharaoh! King a Egypt! Me, I stay agains you! You jalike one riva monsta dat live inside yoa Nile Riva channels. Cuz you tell, ‘Da Nile Riva mines! I wen make um fo me!’

Daniel 2:11

Wat you, oua King, stay aks us fo do, too hard! No mo nobody can tell you wat you like know. Ony da gods can do dis, an dey no live wit da peopo.”

Daniel 4:19

Wat da king tell wen throw me Daniel off, an I no can figga an I come real bum out. Az why Nebukadnezzar, tell me, “Belteshazzar, no let da dream o wat da dream mean make you sked.” Me Belteshazzar tell, “Boss, I like if da dream ony tell bout da peopo dat hate you, an if da dream ony talk bout da peopo dat stay agains you. But az not how goin be. Dis dream, az bout you!

Daniel 5:8

Den all da king smart guys come inside look, but dey no can read da writing o tell da king wat stay mean.

Zefaniah 1:12

Dat time I goin use small olive oil lamps Fo look all ova Jerusalem town, An punish da peopo dat no kea wat God tink. Dey jalike da wine dat jus sit wit da junk kine stuff inside. Dey figga, ‘Da One In Charge no goin do notting to us guys, Good o bad!’