Daniel 2:9 - Hawaii Pidgin Bible

⁹ If you guys no tell me wat I wen dream, I goin punish all you guys da same way! You guys wen make one plan wit each odda, fo bulai me bout dis dream, an trick me, cuz you figga dat bumbye I goin change my mind. Az why now you guys gotta tell me wat I wen dream! Den fo shua I goin know dat you guys can tell me wat da dream mean too.”

Daniel 2:9 Iomraidhean Croise

1 Kings 22:22

“Da spirit tell, ‘I goin go ova dea an be one spirit dat make all da guys dat talk fo his gods bulai him wen dey talk.’ “Da One In Charge tell, ‘Good idea! You goin bulai all dem! Go, do jalike you tell!’

1 Kings 22:6

Az why King Ahab tell all da guys dat talk fo his god Baal fo come togedda. Get bout 400 dem. He aks dem, “I can go make war agains Ramot Gilead town, o not?” Dey tell um, “Go make war, King Ahab. Oua main god we pray to, goin give you da town.”

Esther 4:11

“Get someting all da king leada guys an palace peopo an all da peopo inside his districks know: Any guy o wahine dat go nea da king inside da palace open lanai, wen da king neva call dem, da king get ony one rule: Dey gotta mahke. Da ony time dey no need mahke, az wen da king poin his gold rod at dem. Dat mean dey goin stay alive. But now thirty days pau awready an da king no call me fo go by him yet.”

Smart Guys 12:19

Wen you tell da trut, Erybody goin know az right, No matta how long time afta. But wen you bulai, Short time awready, dey know az wrong.

Isaiah 41:23

An tell us wat goin happen bumbye. Den we goin know dat you idol kine gods, You fo real! Do someting, good o bad, Den we goin come bum out an sked, Wen all us guys togedda see wat you do!

Isaiah 44:25

I da One dat jam up da sign Da fake talka guys use Fo tell wat goin happen. Da guys dat try fo find out Wat goin happen bumbye, I show da peopo dat dey stupid. I turn aroun da stuff Dat da guys talk bout dat suppose to know wat fo do, An I make eryting dey know Show dat dey donno notting.

Ezekiel 13:17

“Kay den, Fo Real Kine Guy! Show you stay agains da wahines inside Israel dat ack jalike dey talk fo God, but dey ony make up stuff from inside dea heads. Tell dis message from me agains dem!

Ezekiel 13:19

You guys make my peopo tink I one pilau kine god. Dey tink dey can make me do stuff if dey pay you guys two-three handful a barley an one small piece bread. Az why you wen kill da peopo dat not suppose to mahke, an you let da peopo stay alive dat not suppose to stay alive. Az how you guys bulai my peopo an dey lissen you.

Ezekiel 13:6

Dose guys tell dey see stuff da gods show um in one dream, but dey bulai. Dey make ceremony fo da gods fo find out wat goin happen, but dass ony one show. Dey tell, ‘Da One In Charge tell dis,’ but Da One In Charge neva sen dem. Still yet, dey tink dat he goin make wat dey tell happen!

Daniel 2:16

Wen Daniel hear dis, he go inside wea da king stay. Daniel tell da king fo wait, fo him tell da king wat da dream mean. An da king tell okay.

Daniel 2:21

He change wass goin happen, Now an bumbye. He make some kings come solid, An throw out some odda kings. Da guys dat know wat fo do erytime, He make um know even mo betta wat fo do. Fo da guys dat undastan stuff, He make um know even mo plenny.

Daniel 2:8

But da king tell um, “I know fo shua dat you guys stay trying fo make slow fo get mo time, cuz you know dat I no change wat I wen tell.

Daniel 3:15

Now, wen you guys hear da soun from da music one mo time, if you guys stay ready fo go down an show respeck fo da statue dat I wen put up, az good. But if you guys no go down in front um, my guys goin throw you guys inside da real hot fire inside da big oven. Den wat kine god goin help you guys get outa my powa, aah?! No way!”

Daniel 5:28

“An ‘parsin,’ mean dat God half half da land wea you stay king, an give half to da Mede peopo an half to da Persia peopo.”

Daniel 5:31

Darius da Mede guy take ova Babylon an come da king. He sixty-two year ol dat time.

Daniel 7:25

He goin grumble bout da God Dass Mo Importan Den All Da Odda Gods, An put presha on da peopo dat stay spesho fo God. An he goin try fo change Da regula times fo make sacrifice An change da rules from God. He goin get powa Ova da peopo dat stay spesho fo God Fo three an a half year.

2 Corint 2:17

Us guys, we not like plenny odda peopo dat teach wat God tell, ony fo make money. No way! Az why wen us guys talk fo God, erybody see dat us fo real, an da stuff we tell come from God. Us do um fo God see us do um, cuz we stay tight wit Christ.